← Back to list

தனியார் மருத்துவமனைச் செலவுகள் ஆய்வுச் செய்யபடும் !

Dec 08, 2025

தனியார் மருத்துவமனைகளில் அதிகரித்து வரும் சுகாதாரச் செலவுகளின் பிரச்சினையைக் கையாளும் முயற்சியில் உள்ளது சுகாதார அமைச்சு ! 

அதன் தொடர்பில், தனியார் சுகாதார வசதிகள் மற்றும் சேவைகள் சட்டத்தை, மறுஆய்வு செய்து வருவதாக அமைச்சு சொன்னது.  

பல்வேறு மருத்துவச் செலவுகளையும் கண்காணித்து, தனியார் மருத்துவமனைகள் அதிக கட்டணம் வசூலிப்பதை கட்டுப்படுத்துவதே அதன் நோக்கம் என அமைச்சு கூறியது. 

-- 

மலாக்காவில், சில இடைநிலைப் பள்ளிகளில், ஏற்கனவே உலோகங்களைக் கண்டறியும் கருவிகள் நிறுவப்பட்டுள்ளன. 

அவை மாணவர்கள் தொலைப்பேசி மற்றும் தடைசெய்யப்பட்ட பொருட்களை கொண்டு வருவதைத் தடுக்க வகைச் செய்யும் என மாநில கல்வி துறை கூறியது. 

பள்ளி வளாகங்களில் பாதுகாப்பை வலுப்படுத்தவும் மாணவர்களின் கட்டொழுங்கை மேம்படுத்தவும் எடுக்கப்பட்ட முயற்சிகளில் அதுவும் ஒன்று என அத்துறை சொன்னது. 

-- 

கெடா, Sg.Petani-யில், சக மாணவன் ஒருவனை பள்ளியின் தங்கும் விடுதியில், துன்புறுத்திய குற்றச்சாட்டில் கைதான இருவர் தங்கள் மீதான குற்றத்தை ஒப்புக் கொண்டுள்ளனர். 

கடந்த மாதம், பள்ளி விடுதியின் கழிவறையில், பாதிக்கப்பட்ட மாணவன் மயங்கிய நிலையில் மீட்கப்பட்டான்.   

-- 

சிலாங்கூர், புத்ரா ஹைட்ஸில், கடந்த வியாழக்கிழமை சாலையில் ஆபத்தான முறையில் மிதிவண்டியை ஓட்டிச்  சென்றதற்காக கைதான இரு சிறுவர்கள் விடுவிக்கப்பட்டுள்ளனர். 

-- 

கோலாலும்பூர் அனைத்துலக விமான நிலையத்தின் முனையம் ஒன்றில், சட்டவிரோதமாக வாடகைக் கார் சேவை வழங்கி வந்த நபர் கைதாகியுள்ளார். 

அந்நபர், சிரம்பானுக்கு பயணிக்க மட்டுமே, 180 ரிங்கிட் வசூலித்துள்ளார். 

-- 

நாட்டில் 2025 ஜனவரி முதல் நவம்பர் வரை 67-ஆயிரத்துக்கும் அதிகமான இணையக் குற்றங்கள் பதிவாகியுள்ளன. 

அவை, 2.7 பில்லியன் ரிங்கிட் இழப்பை ஏற்படுத்தியுள்ளன. 

-- 

JB Sentral ETS இலகு ரயில் சேவைத் தொடங்குவதை முன்னிட்டு, வரும் வெள்ளிக்கிழமை முதல் அடுத்த ஆண்டு ஜனவரி 11 ஆம் தேதி வரை KL மற்றும் JB இடையேயான பயணங்களுக்கு 30% கழிவு விலை அறிவித்துள்ளது, KTMB நிறுவனம்.