← Back to list

வாகன நிறுத்துமிடங்கள் குறைக்கப்படுமா ?

Dec 08, 2025

பொதுப் போக்குவரத்து நிலையங்களுக்கு அருகில் கட்டப்படும் புதிய வீட்டுக் கட்டுமானத் திட்டங்களில், வாகன நிறுத்துமிடங்களின் எண்ணிக்கையைக் குறைக்கும் திட்டம் முன்மொழியப்பட்டுள்ளது ! 

அதனை, வீடமைப்பு ஊராட்சித் துறை அமைச்சிடம், போக்குவரத்து அமைச்சர் அந்தோணி லோக் சமர்பித்துள்ளார். 

ஒரு வீட்டிற்கு ஒன்று அல்லது இரண்டு வாகன நிறுத்துமிடம் கட்ட வேண்டும் என்ற கட்டாய விதிமுறையே, வீட்டு விலைகள் உயரக் காரணமாக இருப்பதை அடுத்து, அப்பரிந்துரை முன்வைக்கப்பட்டது.

----------- 

நாட்டில் வெள்ள நிலைமையில் மாற்றமில்லை !

பேராக்கில் மட்டும், 500-க்கும் மேற்பட்டோர், தற்காலிக துயர்துடைப்பு மையங்களில் தங்க வைக்கப்பட்டுள்ள வேளை, எஞ்சியவர்கள் சிலாங்கூர் மற்றும் திரங்கானுவில் உள்ளனர்.

---------

இவ்வேளையில், பருவமழைக் காலத்தில் வெள்ள நீரில் குழந்தைகள் விளையாடுவதைத் தடுக்கப் பெற்றோர்கள் மிகுந்த எச்சரிக்கையுடன் இருக்க வேண்டும் என மகளிர், குடும்ப, சமூக மேம்பாட்டுத்துறை அமைச்சர் தெரிவித்துள்ளார் ! 

அத்தகையச் செயல் அசம்பாவிதங்களை ஏற்படுத்தக்கூடும் என அவர் சொன்னார்.

----------- 

அமைச்சரவை மாற்றத்திற்கு எந்தவொரு அவசரமும் இல்லை என பிரதமர் தெரிவித்துள்ளார் ! 

யாரெல்லாம் பதவியில் அமர்த்த வேண்டும் என தமக்குள் ஒருவித கணிப்பு இருந்தாலும், மற்ற தரப்புகளின் கருத்துக்களையும் பெற விருப்பம் உள்ளதாக, Datuk Seri Anwar Ibrahim கூறினார்.

----------- 

மலாக்கா டுரியான் துங்காலில், காவல்துறையினரால் மூவர் சுட்டுக் கொல்லப்பட்ட சம்பவம் தொடர்பான, குறுந்தட்டு ஒன்று பெறப்பட்டுள்ளதாக, காவல்துறை தெரிவித்துள்ளது !

அந்த சம்பவம் நடைபெறுவதற்கு முன்னதாக, சந்தேக நபருக்கும், அவரது மனைவிக்கும் இடையே நிகழ்ந்த தொலைபேசி உரையாடலின் குரல் பதிவு, அந்த CD-யில் பதிவு செய்யப்பட்டிருப்பதாக நம்பப்படுகிறது.