← Back to list

Bung Moktar மரணம் !

Dec 05, 2025

சபா மாநில தேசிய முன்னணி தலைவர் Datuk Seri Bung Moktar Radin-னின் மரணச் செய்தி, மிகுந்த அதிர்ச்சியை ஏற்படுத்தியதாக, துணைப் பிரதமர்  Datuk Seri Ahmad Zahid Hamidi தெரிவித்துள்ளார் ! 

அவர் தனக்கு வெறும் நெருங்கிய நண்பராக மட்டுமலாமல், கஷ்ட காலத்திலும் தன்னோடு இருந்து வந்தார் என  Datuk Seri Zahid கூறினார். 

உண்மையான போராட்டத் தலைவராகவும் Datuk Seri Bung Moktar இருந்து வந்தார் எனவும் அவர் சொன்னார். 

இன்று அதிகாலையில் உயிரிழந்த 66 வயதான அவரின் குடும்பத்தினருக்கு, பலர் ஆழ்ந்த அனுதாபங்களைத் தெரிவித்து வருகின்றனர். 

கடுமையான நுரையீரல் தொற்று நோயால் அவர் உயிரிழந்தார்.  

--------- 

சிலாங்கூர் காஜாங்கில், கால்வாயின் பலத்த நீரோட்டத்தில் அடித்துச் செல்லப்பட்ட 12 வயது சிறுவன் உயிரிழந்துள்ளான் !  

அவனோடு அடித்துச் செல்லப்பட்ட 14 வயது அண்ணன், இன்னும் கண்டுபிடிக்கப்படவில்லை என மீட்புக் குழு தெரிவித்துள்ளது.  

அந்த கால்வாயில் பந்தை எடுக்க முயன்ற போது அவ்விருவரும் தவறி விழுந்ததாக நம்பப்படுவதாக காவல்துறை கூறியது. 

----------  

மலாக்கா Durian Tunggal-லில் கடந்த வாரம், மூவர் காவல்துறையினரால் சுட்டுக்கொல்லப்பட்டதாகக் கூறப்படும் சம்பவம் குறித்து விசாரிக்க, விசாரணை ஆணையத்தை அமைக்கும்படி, ம.இ.கா துணைத் தலைவர் டத்தோ ஸ்ரீ M.சரவணன் அரசாங்கத்தைக் கேட்டுக்கொண்டுள்ளார் ! 

அச்சம்பவம் குறித்து, சுயாதீன மரண விசாரணை நடத்தப்பட வேண்டும் எனவும், வழக்கறிஞர் மன்றம் கேட்டுக்கொண்டுள்ளது. 

---------- 

ஜொகூர் முவாரில், AI தொழில்நுட்பத்தைப் பயன்படுத்தி, சக வகுப்பறை மாணவிகளின் புகைப்படங்களை ஆபாசத் தோற்றத்தில் வடிவமைத்ததாகக் கூறப்படும் மூன்று மாணவர்கள், பள்ளியிலிருந்து நீக்கப்பட்டுள்ளனர் !  

----------   

நாட்டில் ஈராயிரத்துக்கும் மேற்பட்டோர் வெள்ளத்தால் பாதிக்கப்பட்டு, தற்காலிக துயர்துடைப்பு மையங்களில் அடைக்கலம் நாடியுள்ளனர் !