← Back to list

Zafrul, MIDA தலைவராக நியமனம் !

Dec 03, 2025

முன்னாள் முதலீடு, வாணிப மற்றும் தொழில்துறை அமைச்சர்  Datuk Seri Zafrul Tengku Abdul Aziz, இன்று முதல் மலேசிய முதலீட்டு மேம்பாட்டு ஆணையத்தின் தலைவராக நியமிக்கப்பட்டுள்ளார் ! 

அவருக்கு சில பொறுப்புகளும் உண்டு என பிரதமர் அலுவலகம் தெரிவித்துள்ளது. 

அவை பின்னர் அறிவிக்கப்படும் என அந்த அலுவலகம் கூறியது. 

இதனிடையே, புதிய அமைச்சரவைப் பட்டியலை, பிரதமர் Datuk Seri Anwar Ibrahim  விரைவில் அறிவிப்பார் என அது சொன்னது. 

--------- 

கேடட் மாணவர் Syamsul Haris-சின் மரணம் குறித்த விசாரணை, புக்கிட் அமான் வசம் ஒப்படைக்கப்பட்டுள்ளது ! 

அவரின் மரணத்தில் சம்பந்தப்பட்டவர்களை அடையாளம் காண்பதே புக்கிட் அமானின் முதன்மை குறிக்கோளாகும். 

சட்டத்துறை அலுவலகம், இந்த வழக்கை கொலை வழக்காக மறுவகைப்படுத்தியதை அடுத்து, புக்கிட் அமான் அந்நடவடிக்கையை முன்னெடுக்கிறது. 

22 வயதான அந்த மாணவர், ஜொகூரில் பயிற்சி முடிந்த பிறகு, ஜூலையில் உயிரிழந்தார்.

---------- 

2025 பகடிவதை எதிர்ப்பு மசோதா, இரண்டாவது வாசிப்புக்குப் பிறகு, மக்களவையில் நிறைவேற்றப்பட்டுள்ளது ! 

இந்த மசோதா, பகடிவதை சட்டத்தின் கீழ் வரையறுப்பதோடு, அதனை விசாரிக்கும் சிறப்பு நடுவர் மன்றம் அமைக்கப்படுவதற்கும் வழிவகுக்கிறது.

--------- 

பிரதமரின் முன்னாள் அரசியல் செயலாளர் மற்றும் தொழிலதிபர் ஒருவர் மீது, நாளை மற்றும் வெள்ளிக்கிழமை நீதிமன்றத்தில் பல்வேறு ஊழல் குற்றச்சாட்டுகள் சுமத்தப்படும்.

----------- 

இந்தோனேசியாவிலும் இலங்கையிலும் , வெள்ளப் பேரிடரால் 1,300-க்கும் மேற்பட்டோர் உயிரிழந்துள்ளனர் ! 

இந்தோனேசியாவில் 700-க்கும் மேற்பட்டோரும், இலங்கையில் 400-க்கும் அதிகமானோரும் மாண்டனர்.