← Back to list

மழைக் காலத்தில் மலேசியா !

Nov 28, 2025

நாடு முழுவதும் மழைக் காலம் நிலவி வரும் நிலையில், மிகுந்த விழிப்புடன் இருக்கும்படி, கூட்டரசு பிரதேச அமைச்சர், Putrajaya-வையும், கோலாலம்பூர் மாநகர் மன்றத்தையும் கேட்டுக்கொண்டுள்ளார் ! 

இரு அமைப்புகளும், தங்களின் பேரிடர் செயல்பாட்டு அறைகளை செயல்படுத்திவிடும்படி அறிவுறுத்தப்பட்டுள்ளன. 

Senyar வெப்பமண்டல புயல் காரணமாக, சிலாங்கூர், பேராக், உட்பட பெரும்பாலான மாநிலங்களில், தொடர்ச்சியான கனமழை பெய்யலாம் என முன்னதாக மலேசிய வானிலை ஆய்வு மையம் தெரிவித்திருந்தது குறிப்பிடத்தக்கது. 

---------- 

இதனிடையே, தாய்லாந்தில் வெள்ளத்தால் சிக்கிக்கொண்டிருக்கும் மலேசியர்களில் ஆறாயிரம் பேர், பாதுகாப்பாக தாயகம் கொண்டு வரப்பட்டுள்ளனர் ! 

அங்குள்ள நிலைமையை விஸ்மா புத்ரா உண்ணிப்பாக கண்காணித்து வருவதாக, தெரிவிக்கப்பட்டுள்ளது. 

அதே வேளை, ஒரு நிகழ்வுக்காக Hat Yai-க்குச் சென்று, வெள்ளத்தில் சிக்கிய, UUM-மின் மாணவர்கள், விரிவுரையாளர்கள் என அனைவரும், பாதுகாப்பாக மீட்கப்பட்டதாக, முன்னதாக செய்திகள் வெளிவந்தன. 

---------- 

பேராக்கில், மலையேறும் பகுதிகளில் விபத்து மற்றும் பேரிடர் அபாய ஆய்வு நடத்தப்படவுள்ளதாக, மாநில Menteri Besar தெரிவித்துள்ளார் ! 

கடந்த மாதம் Gunung Liang-கில், மலையேறும் நடவடிக்கையின் போது, நபர் ஒருவர் உயிரிழந்ததாகக் கூறப்படுவதை அடுத்து, அந்நடவடிக்கை எடுக்கப்படுகிறது. 

--------- 

3 ஊழல் வழக்குகளில், வங்காளதேச முன்னாள் பிரதமர் ஷேக் ஹசீனாவுக்கு, 21 ஆண்டுகள் சிறை தண்டனை விதித்து, அந்நாட்டு நீதிமன்றம் தீர்ப்பளித்துள்ளது ! 

கடந்தாண்டு மாணவர் போராட்டங்களை, அவரது அரசு கடுமையாக அடக்கியதில் ஏற்பட்ட பெரும் உயிரிழப்புகளுக்காக, ஒரு வாரத்திற்கு முன்பு தான் அவருக்கு மரண தண்டனையும் வழங்கப்பட்டிருந்தது.