← Back to list

புதிய அம்சங்களுடன் புதுப்பிக்கப்பட்ட அடையாள அட்டை !

Nov 27, 2025

புதிய அமைப்புகளைக் கொண்ட அடையாள அட்டைகள் அறிமுகமாகவுள்ளன! 

அது, மேம்படுத்தப்பட்ட பாதுகாப்பு அம்சங்களுடன், ஒரு புதிய பதிவாக இருக்கும் என தேசிய பதிவுத் துறை தெரிவித்துள்ளது. 

மோசடிகளை தடுக்கும் நோக்கில் உருவாக்கப்படும் அப்புதிய Mycard, அடுத்த ஆண்டு ஜூன் மாதம் தொடங்கி விநியோகிக்கப்படும் என அத்துறை சொன்னது. 

அதே செயல்முறை, MyTentera மற்றும் MyPOCA அட்டைகளுக்கும் செயல்படுத்தப்படும். 

-- 

விற்பனை சேவை வரிகள் மற்றும் e-Invois முறைகளைச் செயல்படுத்துவதில் அரசாங்கம் மாற்றங்களைக் கொண்டு வரும் என பிரதமர் DSAI தெரிவித்துள்ளார். 

அது, சிறு நிறுவனங்களின் செயல்முறையை எளிதாக்கும் வகையில், மேம்படுத்தப்பட்ட செயல்முறையாக இருக்கும் என பிரதமர் கூறினார், 

-- 

நாட்டில் வெள்ளத்தால் பாதிக்கப்பட்டவர்களின் எண்ணிக்கை, 30-ஆயிரத்தை நெருங்கியுள்ளது !  

ஆக அதிகமாக, கிளாந்தான் பாதிக்கப்பட்டுள்ள நிலையில், துயர் துடைப்பு மையங்களில் தஞ்சம் புகுந்தவர்களின் எண்ணிக்கை கிட்டத்தட்ட பதினோராயிரமாக உள்ளது. 

பேராக், சிலாங்கூர், திரங்கானு,கெடா, பெர்லிஸ் மாநிலங்களிலும் வெள்ள நிலைமை மோசமடைந்து வருகிறது. 

-- 

இதனிடையே, வெள்ளத்தால் பாதிக்கப்பட்டவர்களுக்கு வழங்கப்படும் 1000 ரிங்கிட் உதவி தொகையை சீக்கிரம் பெற்றுக் கொள்ள, பாதிக்கப்பட்டவர்கள் சமூக நலத் துறை அல்லது MyIBJKM செயலியில் தங்களின் விண்ணப்பங்களைப் பதிந்துக் கொள்ளவும். 

-- 

இதனிடையே, தாய்லாந்தில், வெள்ளத்தில் சிக்கிக் கொண்ட மலேசியர்களை, மீட்கும் பணிகள் தொடர்ந்து நடைப்பெற்று வருவதாக வெளியுறவு அமைச்சு தெரிவித்துள்ளது. 

பாதிக்கப்பட்ட அனைவரையும் பாதுகாப்பாக வெளியேற்றப்படும்  வரை மீட்பு பணி தொடரும் என அமைச்சு சொன்னது. 

-- 

நாட்டில், மானியம் இல்லாத RON97 மற்றும் RON95 ரக பெட்ரோலின் சில்லறை விலை லிட்டருக்கு 2 சென் குறைந்துள்ளது. 

-- 

ஹாங்காங்கில்,  அடுக்குமாடி குடியிருப்பு ஒன்றில் ஏற்பட்ட தீ விபத்தில், சுமார் 40 பேர் உயிரிழந்துள்ளனர்.