← Back to list

16 வயது கீழ், சமூக ஊடகம் தடை !

Nov 24, 2025

16 வயதுக்குக் குறைவானவர்கள், தனிநபர் சமூக ஊடகக் கணக்குகளைத் திறப்பதற்கு அனுமதியில்லை ! 

அடுத்த ஆண்டு தொடக்கத்தில், அதனை அமுலுக்கு கொண்டு வர இலக்கு கொண்டுள்ளதாக, தொடர்புத்துறை அமைச்சர் Dato Fahmi Fadzil தெரிவித்துள்ளார் 

சிறார்கள் மத்தியில் அதிகரித்து வரும் இணையக் குற்றச் செயல்களைத் தடுப்பதற்கும், பாலியல் வன்முறைகளில் இருந்து அவர்களைப் பாதுகாக்கவும்,அது அவசியம் என Fahmi விளக்கினார். 

-- 

இதனிடையே, புதிய அவசர அழைப்பு தளமான NG MERS 999, அமைப்பு ஒரு புதிய திட்டம் அல்ல ! 

2007 ஆம் ஆண்டு முதல் பயன்பாட்டில் இருக்கும் அமைப்பின் மேம்படுத்தப்பட்ட முறை என Dato Fahmi Fadzil விளக்கினார். 

-- 

மலேசியா-இந்தியா இடையேயான உறவை வலுப்படுத்த, பிரதமர் டத்தோ ஸ்ரீ அன்வார் இப்ராஹிமும், இந்திய பிரதமர் நரேந்திர மோடியும் உறுதி கொண்டுள்ளனர். 

G-20 உச்சநிலை மாநாட்டில் கலந்து கொண்டபோது பிரதமர் மோடியுடான சந்திப்பில், அது குறித்து பேசியதாக பிரதமர் தெரிவித்தார். 

குறிப்பாக இரு நாடுகளுக்கும் இடையேயான பொருளாதாரம், வர்த்தகம், கல்வி, புதிய தொழில்நுட்பங்கள் ஆகிய துறைகளை மேம்படுத்தும் முயற்சிகளையும் அது, உட்படுத்தியிருக்கும் என பிரதமர் சொன்னார். 

-- 

நாட்டில் பினாங்கு, பேராக், கெடா, பெர்லிஸ் ஆகிய மாநிலங்கள் வெள்ளத்தால், பாதிக்கப்பட்டுள்ளன. 

சமூக நலத் துறையின் தகவல் படி, துயர் துடைப்பு மையங்களில் தஞ்சம் புகுந்தவர்களின் எண்ணிக்கை பத்தாயிரத்தைக் கடந்துள்ளது. 

அதில்,  கிளந்தான் மிகவும் அதிகம் பாதிக்கப்பட்ட நிலையில், 8200-க்கும் மேற்பட்டோர் வெள்ள நிவாரண மையங்களில் தங்க வைக்கப்பட்டுள்ளனர். 

-- 

SPM தேர்வுகள் சீராக நடைபெறுவதை உறுதி செய்ய, பல முயற்சிகளை, முடுக்கிவிட்டுள்ளது கல்வி அமைச்சு ! 

பெரும்பாலான மாநிலங்களை பாதித்து வரும் வெள்ள நிலைமையில் இருந்து SPM தேர்வு எழுது மாணவர்களை பாதுகாக்கும் ஒரு முயற்சியாக, அவர்களை விடுதிகளுக்கு மாற்றியுள்ளதாகவும் அமைச்சு கூறியது. 

-- 

இதனிடையே, தாய்லாந்தில் சிக்கித் தவிக்கும் மலேசியர்களை பாதுகாப்பான இடங்களுக்கு தற்காலிகமாக மாற்றுவதற்கான ஏற்பாடுகளைச் செய்து  வருவதாக Songkhla-வில் உள்ள மலேசிய தூதரக அதிகாரி தெரிவித்துள்ளார்.