← Back to list

மலேசியா வந்து சேர்ந்தன, ராட்சத பாண்டாக் கரடிகள் !

Nov 19, 2025

இவ்வாண்டின் மூன்றாம் காலாண்டு வரை, மலேசியாவின் வெளிநாட்டு கடன், 1.4  டிரில்லியன் ரிங்கிட் ஆகும். 

என்றாலும்,  அது நாட்டின் பொருளாதாரத்திற்கு பாதிப்பை ஏற்படுத்தாது என நிதி அமைச்சு தெரிவித்துள்ளது. 

அதில், பாதிக்கும் மேற்பட்ட கடன்கள்,  நடுத்தரம் மற்றும்  நீண்டகாலத்திற்கு இருப்பதால் மீண்டும் கடன் வாங்கும் அபாயம் குறைவு என அமைச்சு சொன்னது. 

மலேசியா வெளிநாட்டு சொத்துக்களை அதிகம் கொண்டிருப்பதால், நாட்டின் நாணய நிலைத்தன்மை, மற்றும் நிதி பாதுகாப்பு திடமாக இருப்பதாகவும் அது கூறியது. 

-- 

முஸ்லிம் அல்லாதவர்களுக்கு, ZAKAT போன்ற நிதி உதவியை அறிமுகப்படுத்தும் திட்டம் தற்போது அரசாங்கத்துக்கு இல்லை ! 

மாறாக, நடப்பில் உள்ள மக்கள் நலத் திட்டங்களை வலுப்படுத்துவதில் கவனம் செலுத்தப் போவதாக நிதி அமைச்சு தெரிவித்துள்ளது. 

அதில் STR , SARA உதவித் திட்டங்கள் மற்றும் சமூக நலத் துறையின் கீழ் வழங்கப்படும் பல்வேறு உதவிகளும் அடங்கும். 

-- 

திரங்கானுவில் நான்கு மாணவிகளைவும் 8 வயது சிறுமியையும் பாலியல் துன்புறுத்தியதாக சந்தேகிக்கப்படும், இசைக்கல்வி  ஆசிரியர் ஒருவர் உட்பட இருவர் கைதாகியுள்ளனர். 

--  

சீனாவுடனான பத்தாண்டு ஒப்பந்த அடிப்படையில், ஒரு ஜோடி ராட்சத பாண்டாக் கரடிகள், பாதுகாப்பாக நேற்று இரவு தேசிய மிருகக்காட்சிசாலையை வந்தடைந்தன. 

--   

தாய்லாந்தின் வெளிநாட்டு சுற்றுலாப் பயணிகளின், தற்போதைய முன்னணி நாடாக மலேசியா உள்ளது. 

இம்மாத நிலவரப்படி, நான்கு மில்லியனுக்கும் அதிகமான மலேசியர்கள் அந்நாட்டுக்குச் சுற்றுப்பயணம் மேற்கொண்டுள்ளனர்.