← Back to list

வங்காளதேசத்தின் முன்னாள் பிரதமர் ஷேக் ஹசினாவுக்கு மரண தண்டனை !

Nov 17, 2025

குழந்தைகளுக்கான கட்டாய சுகாதார பரிசோதனைகள் மற்றும் follow up எனப்படும் தொடர் சிகிச்சைகளி்ல் சிலவற்றை தனியார் கிளினிக்குகளிடம் ஒப்படைக்கலாம்.  

அது, பொது மருத்துவமனைகள் மற்றும் கிளினிக்குகள் மீதான அழுத்தத்தை குறைக்கும் என சுகாதார அமைச்சு கூறியது. 

ஒரே இடத்தைச் சார்ந்திருக்காமல், வேலைக்கு செல்லும் பெற்றோர்கள்,வேலை முடிந்தவுடன் அருகிலுள்ள கிளினிக்குகளில் தங்களின் பிள்ளைகளை அழைத்து சென்று பரிசோதனை செய்யலாம் என அமைச்சு அவ்வாறு வலியுறுத்தியது. 

மேலும், அம்முயற்சி குழந்தைகளின் ஊட்டச்சத்து குறைப்பாடு, வளர்ச்சியில் தாமதம் போன்ற பிரச்சினைகளை விரைந்து சரி செய்ய உதவும் என அமைச்சு சொன்னது. 

-- 

சிலாங்கூரில், முஸ்லிம் அல்லாதவர்களின் இறுதிச் சடங்கு நிர்வகிப்புக்கான கட்டண தொகையை,  மறுபரிசீலனை செய்து வருகிறது, மாநில அரசு! 

அதற்கான, கட்டணங்கள் நியாயமானவையாகவும், குடும்பங்களுக்கு நிதிச் சுமையை ஏற்படுத்தா வண்ணம் இருக்க வேண்டும் என அது வலியுறுத்தியது. 

-- 

மலேசிய போக்குவரத்து பாதுகாப்பு குழு அமைப்பதற்கான சட்ட மசோதா ஒன்று அடுத்த ஆண்டு தாக்கல் செய்யப்படும் என எதிர்பார்க்கப்படுகிறது. 

அந்த குழு, போக்குவரத்து தொடர்பான குற்றங்கள் மற்றும் சாலை விபத்துகளை விசாரிக்கும் பணிகளை மேற்கொள்ளும் என போக்குவரத்து அமைச்சு சொன்னது. 

அது, சாலைப் பாதுகாப்பை மேம்படுத்தும் முயற்சிகளின் ஒரு பகுதியாகும். 

-- 

வடகிழக்கு பருவமழை காலம் என்பதால், காடு சார்ந்த நடவடிக்கைகளைத் தவிர்த்துக் கொள்ளவும். 

அக்காலக்கட்டத்தில், வெள்ளம், நிலச்சரிவு ஏற்படும் அபாயம்  இருக்கலாம் என கூறிய தேசிய வனத்துறை, மலையேறுதல் போன்ற நடவடிக்கைகளுக்கு தடை விதித்துள்ளது.   

--  

இதனிடையே பருவமழைக்காலத்தை ஒட்டி, பொதுப்பணி அமைச்சு கூடுதல் எச்சரிக்கையுடன் இருக்கிறது! 

சாலைகளிலும் பள்ளமான பகுதிகளிலும் கண் வைத்துக் கொள்ள ஏதுவாக, பேரிடர் செயல்முறை மையத்தை அவ்வமைச்சு முடுக்கிவிடப்பட்டுள்ளது. 

-- 

வங்காளதேசத்தின் முன்னாள் பிரதமர் ஷேக் ஹசினா மனித நேயத்திற்கு எதிராக செயல்பட்டது நிரூபிக்கப்பட்ட நிலையில், அவருக்கு மரண தண்டனை விதிக்கப்பட்டது. 

கடந்த ஆண்டு மாணவர்கள் நடத்திய போராட்டங்களை வன்முறையில் ஒடுக்க உத்தரவிட்டு, அதில் 1,400 பேர் உயிரிழந்தனர்.