← Back to list

பிரதமர்  நாளை நாடாளுமன்றத்தில் விளக்கம் !

Nov 12, 2025

சபாவுக்கான சிறப்பு வருவாய் தொடர்பான பிரச்சனை குறித்து, பிரதமர்  நாளை நாடாளுமன்றத்தில் விளக்கமளிக்கவுள்ளார் ! 

கூட்டரசு வருவாய் உரிமைகளில் 40 விழுக்காட்டை, சபாவுக்கு திருப்பித் தர வேண்டும் என உயர்நீதிமன்றம் உத்தரவிட்டிருந்தது. 

அத்தீர்ப்பை எதிர்த்து மேல்முறையீடு செய்ய வேண்டாம் என்ற அரசாங்கத்தின் முடிவுக்கான காரணம் குறித்தும், அந்த விளக்கத்தில் பேசப்படும் என, Datuk Seri Anwar Ibrahim தெரிவித்தார்.  

---------- 

கடந்தாண்டு டீசல் மானியத்தில் மாற்றம் செய்யப்பட்டதை அடுத்து, அரசாங்கம் ஒரு மாதத்திற்கு 400 மில்லியன் ரிங்கிட்டுக்கு மேல் சேமித்துள்ளது ! 

இந்த திட்டம் தொடங்கியதிலிருந்து, ஆண்டுதோறும் பதிவு செய்யப்பட்ட மொத்த சேமிப்பு, 5 பில்லியன் ரிங்கிட்டாகும் என நிதியமைச்சு தெரிவித்தது. 

சேமிக்கப்பட்ட பணம், நிதியுதவித் திட்டங்கள் உள்ளிட்ட மேம்பாட்டு திட்டங்களுக்கு பயன்படுத்தப்பட்டதாக அமைச்சு சொன்னது.  

---------- 

லங்காவியில், சட்டவிரோத குடியேறிகளை ஏற்றி வந்த படகு கவிழ்ந்த விபத்தில் உயிரிழந்தவர்களின் எண்ணிக்கை, 22-ஆக உயர்ந்துள்ளது ! 

இன்று மேலும் இரு உடல்கள் கண்டெடுக்கப்பட்டதாக அதிகாரிகள் தெரிவித்துள்ளனர். 

அச்சம்பவத்தில் 14 பேர் உயிருடன் மீட்கப்பட்டனர். 

--------- 

1.7 பில்லியன் ரிங்கிட் மதிப்புள்ள NPE 2 நெடுஞ்சாலை திட்டம், 2029-ஆம் ஆண்டுக்குள் நிறைவடைந்து, செயல்பாட்டுக்கு வரும் என எதிர்பார்க்கப்படுகிறது ! 

இந்த திட்டம் நெரிசலைக் குறைப்பதை நோக்கமாகக் கொண்டுள்ளது என்றும், Bangsar அல்லது Mid Valley இருந்து Subang Jaya-வுக்கு பயணிக்கும் வாகனமோட்டிகள், 25 நிமிடங்கள் வரை சேமிக்க அத்திட்டம் உதவும் என்றும் பொதுப்பணித்துறை அமைச்சு தெரிவித்தது.

-------- 

நாடு முழுவதும் உள்ள விடுதியுடன் கூடிய பள்ளிகளில், CCTV பொருத்துதல் தொடர்பான வழிகாட்டுதல்கள், மாணவர்களின் தனியுரிமையையும், பாதுகாப்பையும் சமநிலைப்படுத்தும் வகையில் வடிவமைக்கப்பட்டுள்ளதாக கல்வியமைச்சு தெரிவித்துள்ளது !