← Back to list

வறுமை பிள்ளைகளுக்கு நற்செய்தி !

Nov 08, 2025

வறுமையில் உள்ள குடும்பங்களின் பிள்ளைகளுக்கு பிரதமர் நற்செய்தியை அறிவித்துள்ளார் ! 

அடுத்த ஆண்டு முதல், பாலர் பள்ளி முதல் பல்கலைக்கழகம் வரை, அவர்களுக்கு இலவசக் கல்வி வழங்கப்படும் என Datuk Seri Anwar Ibrahim கூறினார். 

நிதி சவால்கள் இருந்தபோதிலும், பின்தங்கிய குடும்பங்களை மேம்படுத்துவதற்கான ஒரு புதிய கட்டத்தை, இந்த நடவடிக்கை குறிக்கிறது என அவர் சொன்னார். 

ஆரோக்கியமான அரசியல் எதிர்காலத்தை வடிவமைக்க, ஆக்கபூர்வமான விவாதங்கள் மற்றும் அறிவுசார் சொற்பொழிவுகளை ஊக்குவிக்க வேண்டும் என்றும், அவர் மாணவர்களை கேட்டுக்கொண்டார்.

--------- 

KLIA-வின் aerotrain ரயில் சேவைகள், தினமும் நள்ளிரவு முதல், அதிகாலை 5 மணி வரை, ஆய்வு மற்றும் சரிசெய்தல் பணிகளுக்கு உட்படுத்தப்படும் !  

அந்நேரங்களில், நின்று நின்று செல்லும் பேருந்துகள் இயங்கும் என KLIA, ஓர் அறிக்கையின் வழி தெரிவித்துள்ளது. 

அண்மைய காலமாக aerotrain சேவைகளில், கோளாறுகள் ஏற்பட்டு வந்தது குறிப்பிடத்தக்கது.  

---------- 

சந்தேகத்திற்கிடமான உள்ளடக்கங்களை, எவ்வாறு கண்காணிக்கிறது என்பதை விளக்கும்படி, மலேசிய தொடர்பு பல்லூடக ஆணையம் TikTok-குக்கு அழைப்பு விடுத்துள்ளது ! 

TikTok வாயிலாக வேலை வாய்ப்பு என்ற பெயரில், சிலரை போதைப்பொருள் கடத்தலுக்காக ஆட்சேர்ப்பு செய்ததாக வந்த புகார்களைத் தொடர்ந்து, MCMC அந்த அழைப்பை விடுத்திருக்கிறது.

--------- 

பிலிப்பின்சில் உயிரிழப்புகளை உட்படுத்திய கல்மேகி புயலால், இதுவரை மலேசியர்கள் யாரும் பாதிக்கப்படவில்லையென வெளியுறவு அமைச்சு தெரிவித்துள்ளது !

------------  

ஜோகூரில் கொள்கலன்களை ஏற்றி வந்த கப்பல் ஒன்று தீப்பிடித்துக் கொண்டதில், மூவர் உயிரிழந்தனர் ; இதர மூவர் தீக்காயங்களுக்கு ஆளாகினர்.