← Back to list

பாதுகாப்பை மேம்படுத்துவதாக உறுதியளித்துள்ளது, Roblox!

Nov 03, 2025

இணைய விளையாட்டு நிறுவனமான Roblox, தனது தளத்தின் பாதுகாப்பை மேம்படுத்துவதாக உறுதியளித்துள்ளது. 

செயற்கை நுண்ணறிவு தொழில்நுட்பங்களைப் பயன்படுத்தினாலும், அவற்றை மனித கண்காணிப்புகளுடன் வலுப்படுத்தவிருப்பதாக அது கூறியது. 

அதன் தொடர்பில், அந்நிறுவனம் மலேசிய அரசாங்கத்துடன்  இணைந்து, தரவுப் பகிர்வு மற்றும் விதிமுறைகளுக்கு இணங்கி செயல்பட தயாராக இருப்பதாக இளைஞர் மற்றும் விளையாட்டு அமைச்சர் ஹானா இயோ தெரிவித்துள்ளார். 

முன்னதாக, ஜொகூர் பத்து பஹாட்டில், Roblox  விளையாடிக் கொண்டிருந்த போது குறுக்கிட்டு, சேகரித்து வைத்த அனைத்து புள்ளிகளையும் இழக்கச் செய்த ஆறு வயது சிறுவன், தனது ஒன்பது வயது சகோதரனால் தாக்கப்பட்டான். 

--  

தலைநகரில் மேற்கொள்ளப்பட்ட கனரக வாகனங்களுக்கு எதிரான சோதனை நடவடிக்கையில் அதிக எடையை ஏற்றிச் சென்ற 14 வாகனங்கள் பறிமுதல் செய்யப்பட்டுள்ளன!! 

அதிக சுமை ஏற்றியிருந்த தொள்ளாயிரத்துக்கும் மேற்பட்ட வர்த்தக வாகனங்களுக்கு, ஈராயிரத்து முன்னூற்றூ 98 சம்மன்கள் வழங்கியிருப்பதாக, KL சாலை போக்குவரத்து துறை தெரிவித்துள்ளது.  

அந்நடவடிக்கை சாலை பாதுக்காப்பையும், வர்த்தக வாகனங்கள் சீரான விதிகளுக்கு இணங்க செயல்படுவதை உறுதிச்செய்யும்  நோக்கில் நடத்தப்படுகிறது. 

--  

BAS.MY எனப்படும் பொதுப் பேருந்து பயண அட்டை, மாதத்திற்கு ஐம்பது ரிங்கிட் விலையிலிருந்து முப்பது ரிங்கிட்டா குறைக்கப்பட்டுள்ளது.

அதில், பயனர்கள் ஒரு நாளைக்கு வெறும் ஒரு ரிங்கிட் செலவில், வரம்பற்ற பயணத்தை அனுபவிக்கலாம் என போக்குவரத்து அமைச்சு தெரிவித்தது. 

-- 

சிங்கப்பூரில் மரண தண்டனை விதிக்கப்பட்ட மலேசியர் பன்னீர் செல்வம் பரந்தாமனுக்கு, அந்நாட்டுச் சட்டத்தின் கீழ் முழு விசாரணைகளுக்கு உட்படுத்தப்பட்ட பின்னரே, அந்த தண்டனை விதிக்கப்பட்டது என உள்துறை அமைச்சு தெரிவித்துள்ளது. 

2014 ஆம் ஆண்டு,  சிங்கப்பூருக்குள் 51.84 கிராம் போதைப் பொருள் கொண்டுச் சென்ற குற்றச்சாட்டில், கடந்த அக்டோபர் 8‑ஆம் திகதி அவருக்கு மரண தண்டனை நிறைவேற்றப்பட்டது. 

--  

தாய்லாந்து, Sg.Golok-கில்  மலேசியர் ஒருவர் சுட்டுக் கொல்லப்பட்ட சம்பவம் தொடர்பில், முன்னாள் கிளந்தான் கால்பந்து வீரர் ஒருவர் கைதுச் செய்யப்பட்டுள்ளார். 

அச்சந்தேக நபரிடமிருந்து இரண்டு துப்பாக்கிகளை பறிமுதல் செய்துள்ளதாக தாய்லாந்து காவல் துறைு உறுதிப்படுத்தியது.