← Back to list

இன்றோடு SPM தேர்வு ஆரம்பம் !

Nov 03, 2025

2025 SPM தேர்வு தேர்வு இன்று தொடங்குகிறது !

4 லட்சத்து 13-ஆயிரத்துக்கும் அதிகமான மாணவர்கள் அத்தேர்வில் அமர்கின்றனர். 

அத்தேர்வுக்கு நாடளவில், மூவாயிரத்துக்கு மேற்பட்ட மையங்கள் திறக்கப்பட்டுள்ளன. 

இவ்வாண்டு SPM-க்கு அமரும் மாணவர்கள், UPSR தேர்வை எழுதாமல் நேரடியாக தேசியத் தேர்வுக்கு வருகிற முதல் குழுவாக உள்ளனர்.

-----------   

இதனிடையே, சிலாங்கூரில் சில மாவட்டங்களில் அதிகமான பள்ளி மாணவர்கள் influenza தொற்று நோயால் பாதிக்கப்படுவதை அடுத்து, இலவச influenza தடுப்பூசி திட்டம் அடுத்த வாரம் தொடங்கப்படுகிறது !

------------   

சமீபத்தில் பத்திரிகையாளர் ஒருவரை நோக்கி தெரிவித்த கடுமையான கருத்தை, திரும்பப்பெற்று மன்னிப்பும் கேட்டுக்கொண்டுள்ளார், வீடமைப்பு, ஊராட்சித் துறை அமைச்சர் Nga Kor Ming ! 

தனது கருத்து, ஊடகத்தினரிடையே குழப்பம் அல்லது வருத்தத்தை ஏற்படுத்தியிருக்கலாம் என்பதை ஒப்புக்கொண்ட அவர், அதைப் பற்றிய அனைத்து விமர்சனங்களையும் ஏற்றுக்கொள்வதாக, சொன்னார். 

-------------   

பஹாங் குவாந்தானில், தனக்கு தெரிந்த நபர் ஒருவரால், விவசாயி ஒருவர் வயிற்றில் கத்தியால் குத்தப்பட்ட சம்பவத்தை அடுத்து, சந்தேக நபர் கைது செய்யப்பட்டுள்ளார் ! 

தன்னைப் பற்றி பாதிக்கப்பட்டவர் காவல்துறையிடம் புகாரளித்ததால், அச்சந்தேக நபர் பழிவாங்கும் நோக்கில் அவ்வாறு நடந்துகொண்டதாக தெரிகிறது.

-----------  

பேராக் ஈப்போவில், காவல் வீரர்கள் போல் ஆள்மாறாட்டம் செய்து, மோட்டார்சைக்கிளோட்டி ஒருவரிடம் 300 ரிங்கிட் லஞ்சம் கேட்டதாகக் கூறப்படும், 20 வயதுடைய இருவரை காவல்துறை கைது செய்துள்ளது ! 

----------   

தலைநகரில் 6 இரவு கேளிக்கை மையங்களில் நடத்தப்பட்ட சோதனை நடவடிக்கையில், பொழுதுபோக்கு உரிமம் வைத்திராதது உள்ளிட்ட சில குற்றங்களுக்காக 14 பேர் கைது செய்யப்பட்டுள்ளனர் !