← Back to list

KLCC மூன்றாவது கோபுரத்தில் தீ விபத்து !

Nov 01, 2025

இன்று அதிகாலை மூன்றாவது KLCC கோபுரத்தின், மேல் தளத்தில் ஏற்பட்ட தீ விபத்தை தீயணைப்பு துறை வெற்றிகரமாக அணைத்து விட்டது. 

அச்சம்பத்தில் உயிருடற்சேதம் பதிவாகவில்லை என கோலாலும்பூர் தீயணைப்பு மீட்பு துறை இயக்குனர் தெரிவித்துள்ளார். 

அக்கட்டிடத்தில் அமைந்துள்ள உயர் ரக உணவருந்தும் பகுதியில் அத்தீ சம்பவம் ஏற்பட்டதாக நம்பப்படுகிறது. 

முன்னதாக, அச்சம்பவம் தொடர்பிலான காணொலிகள் சமூக ஊடகங்களில் பரவலாகின. 

--  

சிலாங்கூர் சலாக் திங்கியில், எட்டு ஹெக்டேர் பரப்பளவில் பரவிய காட்டுத் தீயை தீயணைப்பு வீரர்கள் வெற்றிகரமாக அணைத்து விட்டனர். 

முன்னதாக, அச்சம்பவம் தொடர்பிலான காணொலிகள் சமூக ஊடகங்களில் பரவலாகின. 

--  

கோலாலம்பூர் அனைத்துலக  விமான நிலையத்தின்,  Aerotrain சேவையில் தொடர்ந்து  ஏற்படும் இடையூறுகளை விரைந்து சரி செய்யுமாறு,அதன் ஒப்பந்ததாரர்கள் Malaysia Airports Holdings நிறுவுனத்திற்கு அறிவுறுத்தியுள்ளனர். 

எனவே, அப்பிரச்சனையை கையாளும் முதற்கட்ட நடவடிக்கையாக, தினமும் இரவு மணி 11 முதல் அதிகாலை மணி 5 வரை Shuttle பேருந்துகளை இயக்க, MAHB திட்டம் கொண்டுள்ளது. 

-- 

நாடளவில்,இவ்வாண்டுக்கான SPM தேர்வு நவம்பர் 3 தொடங்கி  டிசம்பர் 23 வரை நடைப்பெறும்.   

3,350 தேர்வு மையங்களில்,சுமார் நான்கு லட்சத்து 13 ஆயிரத்துக்கும் அதிகமான மாணவர்கள் அத்தேர்வை எழுதுவர்.  

-- 

சிலாங்கூர், ஷா ஆலமில் பள்ளி ஒன்றில், படிவம் 1 மாணவி ் முதல் மாடியில் இருந்து விழுந்ததை அடுத்து,காவல் துறை பகடிவதை அடிப்படையிலான விசாரணையைத் தொடக்கியுள்ளது. 

அம்மாணவி சிராய்ப்பு காயங்களுடன் நல்ல நிலையில் இருப்பதாக, அத்துறை சொன்னது. 

--  

நாட்டில் மூன்று மாநிலங்கள் வெள்ளத்தால் பாதிக்கப்பட்டுள்ளன. 

கெடாவில் 325 பேரும், பேராக்கில் 124 பேரும், சரவாக்கில், 26 பேரும் துயர் துடைப்பு மையங்களில் தஞ்சம் புகுந்துள்ளனர். 

-- 

17வது சபா மாநிலத் தேர்தலுக்கான வேட்பாளர்களின் பட்டியல் நவம்பர் 9 அல்லது 10 ஆம் தேதி அறிவிக்கப்படும் என PKR கட்சி தெரிவித்துள்ளது.