← Back to list

OCI பதிவு; 6 தலைமுறையினர் வரை நீட்டிப்பு !

Oct 30, 2025

இந்திய வம்சாவளியைச் சேர்ந்த மலேசியர்களுக்கான OCI பதிவு, தற்போது ஆறாம் தலைமுறையினர் வரை நீட்டிக்கப்பட்டுள்ளது ! 

அண்மையில் நடைபெற்று முடிந்த ஆசியான் உச்சநிலை மாநாட்டுக்குப் பிறகு, அவ்வறிப்பு வெளியானது. 

மேலும், இந்திய கல்வி உபகாரச் சம்பளம் மற்றும் நம்பிக்கை நிதியான ISTF-இன் கீழ், 3 மில்லியன் ரிங்கிட் ஒதுக்கப்படுகிறது. 

இது, பொருளாதார நீதியாக பலவீனமாக உள்ள மலேசிய இந்திய மாணவர்களுக்கு உதவும் நோக்கிலானதாகும். 

---------- 

சீனாவுக்கு விதிக்கப்பட்ட 20 விழுக்காட்டு வரி, 10 விழுக்காடாகக் குறைக்கப்படும் என அமெரிக்க அதிபர் டொனல்ட் டிரம்ப் அறிவித்துள்ளார் ! 

டொனால்ட் டிரம்ப் மற்றும் சீன தலைவர் Xi Jinping இடையில் நேரடி சந்திப்பு நடைபெற்ற போது, அவ்வறிவிப்பு வெளியானது. 

இந்த வரி, fentanyl தயாரிக்க பயன்படுத்தப்படும் ரசாயனங்களை சீனா விற்பனை செய்ததற்கான தண்டனையாக முன்பு விதிக்கப்பட்டதாகும். 

புதிய வரி குறைப்பை அடுத்து, 57 விழுக்காட்டு வரியில் இருந்து, 47 விழுக்காடாகக் குறைகிறது.

-------- 

இணைய விளையாட்டுகள் மற்றும் சமூக ஊடக பயன்பாடுகளுக்கான, குறிப்பாக வயது குறைந்த பயனர்களுக்கான, புதிய ஒழுங்குமுறை வழிமுறையை, தொடர்புத்துறை அமைச்சும், MCMC-யும் மதிப்பாய்வு செய்து வருகின்றன ! 

Roblox விளையாட்டு பயன்பாடு தொடர்பான அண்மைய சம்பவம் உட்பட, குழந்தைகளின் பாதுகாப்பு குறித்த கவலைகள் எழுந்ததை அடுத்து, அமைச்சர்  Datuk Fahmi Fadzil அவ்வாறு கூறினார். 

16 வயதுக்குட்பட்ட குழந்தைகளுக்குப் பொருத்தமற்றதாகக் கருதப்படும், குறைந்தது 10 வகையான இணைய விளையாட்டுகளுக்கு உரிமம் வழங்க வேண்டிய அவசியத்தையும், தமதமைச்சு மதிப்பிட்டு வருவதாக அவர் சொன்னார். 

--------- 

வடகிழக்கு பருவமழையை முன்னிட்டு, வெள்ளம் அபாயமுள்ள பகுதிகளில் தீயணைப்புத் துறை, 150 சிறிய படகுகளை நிறுத்தி, பயிற்சி பெற்ற குழுக்களை தயார் நிலையில் வைத்துள்ளது ! 

மேலும், நவம்பர் முதல் மார்ச் வரை, முழு செயல்திறனுடன் செயல்பட 29 அர்ப்பணிப்பு வெள்ள மீட்பு குழுக்களும் அமைக்கப்பட்டுள்ளன. 

--------- 

இதனிடையே, பினாங்கு, பேராக், கெடா, சபா, சரவாக்கில், பெரும்பாலான பகுதிகளில், இன்றிரவு 7 மணி வரை இடியுடன் கூடிய கனமழை பெய்யலாம் என Met Malaysia தெரிவித்துள்ளது !