← Back to list

2026 பஜ்ஜெட் தீபாவளி பரிசு !

Oct 11, 2025

தீபத் திருநாளை ஒட்டி, நான்காம் கட்ட STR உதவி நிதி, இம்மாதம் 18-ஆம் தேதியே கொடுக்கப்படவுள்ளது !

நேற்று பிரதமர் தாக்கல் செய்த 2026-ஆம் ஆண்டுக்கான வரவு செலவு திட்டத்தில் அவ்வாறு அறிவிக்கப்பட்டது.

அந்நிதி, அடுத்த மாதம் கொடுக்க அட்டவணையிடப்பாட்டிருந்தது குறிப்பிடத்தக்கது. 

அதுமட்டுமில்லாமல், தீபாவளிக்காக இரு நாட்களுக்கு 50 விழுக்காடு டோல் கட்டண கழிவும் வழங்கப்படுவதாக, டத்தோ ஸ்ரீ அன்வார் இப்ராஹிம் தெரிவித்தார்.

தொடர்ந்து, அடுத்தாண்டு பிப்ரவரியில், மீண்டும் 100 ரிங்கிட் சாரா உதவித் தொகை வழங்கப்படுவதாக அவர் கூறினார். 

தற்போது Mykad வழி வழங்கப்பட்டிருக்கும் அத்தொகையை, இவ்வாண்டு இறுதி வரை பயன்படுத்தலாம். 

--------- 

குற்றங்களை எதிர்த்துப் போராடுவது உட்பட, வருவாய் கசிவுகளைத் தடுக்கும் அரசாங்கத்தின் திடமான நிலைப்பாட்டை MACC வரவேற்றுள்ளது ! 
 
2026-ஆம் ஆண்டுக்கான வரவு செலவு திட்டத்தில், அமலாக்க நிறுவனங்களுக்கு பிரதமர் அறிவித்த, 700 மில்லியன் ரிங்கிட்டுக்கும் அதிகமான நிதி ஒதுக்கீட்டை MACC பாராட்டியது. 

---------- 

அதே சமயம், 2026-ஆம் ஆண்டுக்கான பஜ்ஜெட், பாதுகாப்பு அமைப்பை வலுப்படுத்த அரசாங்கம் எடுத்துள்ள உறுதியை பரதிபலிப்பதாக, தேசிய காவல்படை தலைவர் தெரிவித்துள்ளார் ! 

21.2 பில்லியன் ரிங்கிட் ஒதுக்கீடு, நாட்டை செழிப்புடன் முன்னேற்ற, அரசாங்கம் காட்டும் தீவிர முயற்சியை வெளிப்படுத்துவதாக, Datuk Seri Mohd Khalid Ismail கூறினார். 

------------ 

இன்று அதிகாலையில், சிலாங்கூர் PLUS நெடுஞ்சாலையில், விரைவு பேருந்து ஒன்று அறிவிப்பு பலகையை மோதி விபத்துக்குள்ளானதில், ஒருவர் உயிரிழந்த வேளை, மற்றவர்கள் காயமடைந்துள்ளனர் !

------------ 

அண்மையில் இஸ்ரேலால் தடுத்து வைக்கப்பட்ட 9 மலேசியர்கள், நாளை மாலை தாயகம் திரும்புவர் என எதிர்பார்க்கப்படுவதாக, வெளியுறவு அமைச்சு தெரிவித்துள்ளது !