← Back to list

கல்விக்கான AI வழிகாட்டிகள் !

Oct 09, 2025

நாட்டின் எதிர்கால தலைமுறையை இலக்கவியல் திறனுடன் உருவாக்கும் நோக்கில், கல்வி அமைச்சு, செயற்கை நுண்ணறிவு கல்வி வழிகாட்டிகளை இறுதிச்செய்து வருகிறது !  

அவ்வழிகாட்டிகள், அமைச்சின் AI கல்வி கட்டமைப்பின் அடிப்படையில் உருவாக்கப்படுகின்றன.  

AI நிர்வாகம், கற்பித்தல் மற்றும் கற்றல், வாழ்நாள் கல்வி, AI நெறிமுறைகள் ஆகிய நான்கு முக்கிய துறைகள், இந்த கட்டமைப்பில் அடங்கும் என அவ்வமைச்சு கூறியது.  

AI தொழில்நுட்பத்தை வகுப்பறைகளில் ஒருங்கிணைக்கும் AI-Powered Classroom முன்முயற்சி திட்டத்திற்காக, மொத்தம் 26 தொடக்க மற்றும் இடைநிலைப் பள்ளிகள் இவ்வாண்டு தேர்வு செய்யப்பட்டுள்ளன.  

---------- 

2018 முதல் இவ்வாண்டு ஆகஸ்ட் வரை, SOCSO, கிட்டத்தட்ட 5 லட்சத்து 40 ஆயிரம் விபத்து விண்ணப்பங்களைப் பெற்றுள்ளது ! 

அவ்விபத்து விண்ணப்பங்கள் வேலை தொடர்பானவை அல்ல என்பதால், அவற்றில் 80 விழுக்காட்டுக்கும் அதிகமானவை நிராகரிக்கப்பட்டதாக, மனிதவள அமைச்சு தெரிவித்துள்ளது. 

எனவே, தற்போதுள்ள அமைப்பில் இருக்கும் குறைப்பாடுகளை நினைத்து அமைச்சு வருத்தம் தெரிவித்தது. 

--------- 

மற்றொரு பக்கம், கடந்த மூன்று ஆண்டுகளில், 33,500-க்கும் மேற்பட்ட தொழிலாளர் புகார்களை, மனிதவள அமைச்சு பெற்றுள்ளது !  

2023 முதல் இவ்வாண்டு வரை அந்த புகார்களின் எண்ணிக்கையும் படிப்படியாக உயர்ந்துள்ளதாக அவ்வமைச்சு கூறியது. 

அவை, சம்பள தகராறுகள், வேலை நேரம், வேலைவாய்ப்பு ஒப்பந்தங்களை மீறுதல் உள்ளிட்ட பல்வேறு பிரச்சினைகளை உட்படுத்தியதாகும்.  

---------- 

தீபாவளி விடுமுறையை முன்னிட்டு, 21 லட்சம் வாகனங்கள் நெடுஞ்சாலைகளில் பயணிக்கும் என கணிக்கப்பட்டுள்ளது !  

போக்குவரத்து சீராக இயங்குவதை உறுதிச் செய்ய, 500-க்கும் மேற்பட்ட அதிகாரிகள் மற்றும் பணியாளர்கள் பணியமர்த்தப்படுவதாக, புக்கிட் அமான் தெரிவித்துள்ளது.  

--------- 

கடந்த திங்கட்கிழமை வரை, 1 கோடியே 50 லட்சத்துக்கும் அதிகமான மலேசியர்கள் SARA உதவித்தொகையைப் பயன்படுத்தி பொருட்கள் வாங்கியுள்ளதாக நிதியமைச்சு தெரிவித்துள்ளது !