← Back to list

தீபாவளிக்கு இரண்டு நாட்கள் கூடுதல் விடுமுறை !

Oct 07, 2025

தீபாவளியை முன்னிட்டு இரண்டு நாட்கள் கூடுதல் விடுமுறையை அறிவித்துள்ளது கல்வி அமைச்சு! 

2025/26ஆம் பள்ளி தவணை அட்டவணையின் படி, A குழுவில் உள்ள மாநிலங்கள், அதாவது ஞாயிற்றுக்கிழமை பள்ளி தொடங்கும் மாநிலங்களுக்கு ஞாயிறு மற்றும் செவ்வாய்க்கிழமை விடுமுறை கொடுக்கப்படுகிறது. 

B குழுவைச் சேர்ந்த இதர மாநிலங்கள், அதாவது திங்கட்கிழமை பள்ளி தொடங்கும் மாநிலங்களுக்கு செவ்வாய் மற்றும் புதன்கிழமை அந்த விடுப்பு வழங்கப்படுகிறது. 

இவ்வாண்டு தீபாவளி 20ஆம் தேதி திங்கட்கிழமை கொண்டாடப்படும் நிலையில், எல்லா பள்ளிகளும் அப்பண்டிகையை ஒட்டி மூன்று நாட்கள் விடுமுறையை அனுபவிக்கலாம். 

சரவாக்கிற்கு மட்டும் கூடுதல் விடுமுறை இல்லை. 

------

சபா மாநில சட்டமன்றம் கலைக்கப்பட்டுள்ளதை அடுத்து, மாநில தேர்தலை நடத்த வேண்டிய ஆயத்த வேலைகள் தொடங்கியிருப்பதாக, தேர்தல் ஆணைய தலைவர் Datuk Seri Ramlan Harun தெரிவித்துள்ளார். 

17ஆவது சபா மாநில தேர்தல் மற்றும் அதன் தொடர்பிலான இன்னபிற முக்கிய நிகழ்வுகளை நடத்தும் தேதிகளை நிர்ணயிக்க, விரைவில் சிறப்புக் கூட்டம் நடத்தப்படும் என அவர் கூறினார். 

நேற்று மாநில ஆளுநரைச் சந்தித்துப் பேசிய சபா முதலமைச்சர், மாலை வாக்கில் மாநில சட்டமன்றம் கலைக்கப்படுவதாக அறிவித்தார். 

------- 

தேசிய செயற்கை நுண்ணறிவு நடவடிக்கை திட்டம் இவ்வாண்டு டிசம்பரில் நாடாளுமன்றத்தில் தாக்கல் செய்யப்படும் என, இலக்கவியல் அமைச்சர் தெரிவித்துள்ளார்.  

சமூக, தொழிற்துறை, நிர்வாகம் உள்ளிட்ட சில முக்கிய அம்சங்களை மையப்படுத்தி அத்திட்டம் இருக்கும் என Gobind Singh Deo கூறினார்.  

------ 

கெடாவில் மட்டும் நூற்று ஐம்பதுக்கும் மேற்பட்டோர் வெள்ள நிவாரண மையங்களில் தங்க வைக்கப்பட்டுள்ளனர். 

------  

கெடா, பினாங்கு, பேராக், சிலாங்கூர், பஹாங் மற்றும் ஜொகூரில் சில இடங்களில் இன்று காலை ஒன்பது மணி வரை இடியுடன் கூடிய கனமழை பெய்யும் என, MetMalaysia கணித்துள்ளது.