← Back to list

மலேசிய ஆர்வலர்களின் குடும்பத்தினருடன் அவசரக் கூட்டம் !

Oct 03, 2025

இஸ்ரேல் படைகளால் கைதான, 23 மலேசிய மனிதாபிமான ஆர்வலர்களின் குடும்பத்துடன், Sumud Nusantara அவசரநிலை கட்டுப்பாட்டு மையம், அவசர சந்திப்பொன்று நடத்தவுள்ளது !  

அவர்களின் தற்போதைய நிலைமையை விளக்கவும், குடும்பங்களுக்கு முழுமையான ஆதரவு தரப்படும் என்பதை, உறுதியாகச் சொல்லவும், இந்த சந்திப்பு நடத்தப்படுகிறது. 

தடுத்து வைக்கப்பட்டுள்ள அவர்கள் அனைவரும் பாதுகாப்பாக இருப்பதாக, இதற்கு முன்பு வெளியுறவு அமைச்சு தெரிவித்திருந்தது. 

GSF நடவடிக்கையில் பங்கேற்ற 200-க்கும் மேற்பட்ட அனைத்துலக ஆரவலர்கள் Gaza கடற்கரைக்கு அருகே சென்றபோது, இஸ்ரேல் படைகள் அவர்களது படகுகளைத் தடுத்து, அவர்களை கைது செய்ததாக, முன்னதாக செய்திகள் வெளிவந்தன. 

--------- 

சிலாங்கூர் Batucaves-சில், கடந்த திங்கட்கிழமை நிகழ்ந்த துப்பாக்கி சூட்டுச் சம்பவத்தில் தொடர்புடையதாக சந்தேதிக்கப்படும் மேலும் ஒருவர் கைதாகியுள்ளார் ! 

இதன் மூலம், அச்சம்பவம் தொடர்பில் கைதானோரின் எண்ணிக்கை நான்காக உயர்ந்துள்ளது. 

இச்சம்பவத்தில், கும்பலொன்று, தவறுதலாக வேட்டையாடும் விலங்காக நினைத்து தனது நண்பரை சுட்டதால், அவர் உயிரிழந்ததாக முன்னதாக செய்திகள் வெளிவந்தன.

------------ 

சிலாங்கூர் Cyberjaya உள்ள அடுக்குமாடி குடியிருப்பு வளாகத்தின் மேல் மாடியில் இருந்து விழுந்து, பல்கலைக்கழக மாணவன் ஒருவன் உயிரிழந்துள்ளான் ! 

அச்சம்பவம், திடீர் மரணமாக வகைப்படுத்தப்பட்டுள்ளது. 

---------- 

இதனிடையே, சிலாங்கூர் சபா பெர்னாமில், பள்ளி தங்கும் விடுதியின் மூன்றாவது மாடியில் இருந்து விழுந்து, மருத்துவமனையில் அனுமதிக்கப்பட்டிருந்த மூன்றாம் படிவ மாணவன், வீடு திரும்பியுள்ளான் !  

ஆகஸ்டில் நிகழ்ந்த அச்சம்பவத்தில், தலையில் பலத்த காயத்திற்கு ஆளான அம்மாணவன் வீட்டில் குணமடைந்து வருகிறான்.  

---------- 

மாநிலத் தேர்தலுக்கு வழிவிடும் வகையில், மாநில சட்டமன்றம் கலைக்கப்படுவது குறித்த ஊகங்களுக்கு மத்தியில், சபா முதலமைச்சர் நேற்று மாநில ஆளுநரைச் சென்று சந்தித்து பேசினார் !