← Back to list

Budi95 திட்டம் பாதுகாப்பானதே !

Oct 01, 2025

மானிய விலையிலான RON 95 பெட்ரோல் திட்டத்தை அமல்படுத்த பயன்படுத்தப்பட்ட அமைப்பு, பாதுகாப்பானதே ! 

இணைய பாதுகாப்பு தொடர்பான பல்வேறு விஷயங்களைக் கருத்திற்கொண்டு, அவ்வமைப்பு  விரிவாக ஆய்வு செய்யப்பட்டு செயல்படுத்தப்பட்டுள்ளதாக, இலக்கவியல் அமைச்சர் தெரிவித்துள்ளார். 

மலேசியாவின் இலக்கவியல் மாற்றத்தில் பாதுகாப்பு என்பது முக்கிய அம்சமாக கருதப்படுகிறது.  

அதேபோல் BUDI95 திட்டத்திலும் பாதுகாப்பு அம்சங்கள், முழுமையாக பரிசீலிக்கப்பட்டுள்ளன, என்றாரவர்.

----------- 

பேராக்கில் அடுத்தாண்டு ஜனவரி 1-ஆம் தேதி முதல், வேப் விற்பனைக்கான தடை அமலுக்கு வருகிறது ! 

மாநில அரசு கூட்டத்தில் அம்முடிவு எடுக்கப்பட்டதாக, ஆட்சிக்குழு உறுப்பினர் A.சிவநேசன் தெரிவித்துள்ளார். 

இளைய தலைமுறையினரின் ஆரோக்கியமான வாழ்வை உறுதிச் செய்யவே, அம்முடிவு எடுக்கப்பட்டதற்கான காரணம் என அவர் கூறினார்.

------------- 

VEP எனப்படும் வாகன நுழைவு அனுமதி அட்டை இல்லாமல் மலேசியாவிற்கு வந்த சிங்கப்பூர் வாகன உரிமையாளர்களுக்கு எதிராக, இதுவரை மூவாயிரத்துக்கும் மேற்பட்ட சம்மன்கள் வெளியிடப்பட்டன ! 

அதன் மூலம் கிட்டத்தட்ட 10 லட்சம் ரிங்கிட் வசூலிக்கப்பட்டுள்ளதாக, சாலை போக்குவரத்துத் துறை தெரிவித்துள்ளது.

------------ 

சிலாங்கூர் காஜாங் டோல் சாவடியில், நிகழ்ந்த சாலை விபத்து தொடர்பான அறிக்கையை, சாலை போக்குவரத்துத் துறை செய்து முடித்துள்ளது ! 

வார இறுதியில் நிகழ்ந்த அவ்விபத்தில், குழந்தை ஒன்று உயிரிழந்ததோடு, எழுவர் காயமடைந்தனர்.

----------- 

கெடா, பேராக், ஜொகூர், பஹாங், திரங்கானு மற்றும் கிளந்தானில், பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என, மலேசிய வானிலை ஆய்வு மையம் கணித்துள்ளது !