← Back to list

கூடுதலாக இரண்டு ரயில் சேவைகள் அறிமுகம் !

Oct 01, 2025

BUDI95 திட்டம் அமுலுக்கு வந்த நான்கு நாட்களில், சுமார் மூன்று லட்சம் பெறுநர்கள் பயனடந்துள்ளனர். 

அத்திட்டத்தில், ஒன்பது கோடியே பத்து லட்ச பரிவர்த்தனைகள் மேற்கொள்ளப்பட்டுள்ளதாக, நிதி அமைச்சு தெரிவித்துள்ளது. 

இதனிடையே, அத்திட்டத்தில் நிர்ணயிக்கப்பட்ட மாதந்திர உச்ச வரம்பு போதவில்லை என கூறும் e-hailing மற்றும் p-hailing ஓட்டுநர்களின் கருத்துகளும் பரிசிலீக்கப்படும் என அமைச்சு கூறியது. 

அவர்களுக்கான கூடுதல் ஒதுக்கீடு குறித்து அரசாங்கம் இவ்வாரத்தில் இறுதி செய்யும் என அமைச்சு சொன்னது. 

BUDI95 திட்டத்தில், தகுதியுள்ள மலேசியர்கள், மாதத்திற்கு 300 லிட்டர் வரை RON95 ரக பெட்ரோலை ஒரு ரிங்கிட் 99 சென்னுக்கு பெற்றுக் கொள்ளலாம். 

------------- 

சிலாங்கூர், Bukit Kajang, Toll சாவடி விபத்தில் சம்பந்தப்பட்ட லாரி ஓட்டுநர் இன்று பிணையில், விடுவிக்கப்படுவார் என எதிர்பார்க்கப்படுகிறது. 

42 வயதான அவர் மீது, இரண்டு போதைப்பொருள் தொடர்பான குற்றங்கள் மற்றும் நான்கு போக்குவரத்து சம்மன்கள் இருப்பது விசாரணையில் கண்டறியப்பட்டுள்ளது. 

கடந்த சனிக்கிழமை, புக்கிட் காஜாங் Toll சாவடியில்,  நான்கு வாகனங்களை உட்படுத்திய விபத்தில் ஒரு வயது சிறுவன் உயிரிழந்தான்; எழுவர் காயமடைந்தனர். 

----------  

KTM ரயில் சேவை நிறுவனம், , ஜொகூர், குளுவாங்கிலிருந்து, KL centralலுக்கு செல்லும் இரண்டு ரயில் சேவைகளை ஒவ்வொரு வார இறுதியிலும் வழங்கவுள்ளது. 

வெள்ளி சனி ஞாயிறு என இயக்கப்படவுள்ள அச்சேவைகள், அக்டோபர் பத்து முதல் தொடங்கவுள்ளது. 

அது, பயணிகள் தலைநகருக்கு, விரைவாகவும் சுலபமான பயணத்தை மேற்கொள்ளவும் வகை செய்யும். 

---------   

அடுத்த ஆண்டு இரண்டாம் காலாண்டில், நாட்டின் நூற்றுக்கும் மேற்பட்ட நுழைவு இடங்களில் சுமார் 650 autogate சேவைகள் நிறுவப்படவுள்ளன. 

எல்லைக் கட்டுப்பாடு மற்றும் பாதுகாப்பு நிறுவனம், அதற்கான  பணிகளில் செயல்பட்டு வருவதாக உள்துறை அமைச்சு தெரிவித்துள்ளது. 

--------- 

வியட்நாமில்  சூறாவளி தாக்கியதில், வெள்ளம் மற்றும் நிலச்சரிவுகள் ஏற்பட்டதை அடுத்து,இருபதுக்கும் மேற்பட்டோர் உயிரிழந்துள்ளதாக தகவல்கள் தெரிவிக்கின்றன. 

------- 

பிலிப்பைன்ஸில் நேற்று இரவு 6.9 ரிக்டர் அளவிலான நிலநடுக்கம் ஏற்பட்டதில் குறைந்தது 22 பேர் உயிரிழந்துள்ளனர், பலர் காணாமல் போயுள்ளனர். 

அதனை தொடர்ந்து, சபா, சண்டகானில் அந்நிலநடுக்கத்தின் அதிர்வுகள் உணரப்பட்டதாக மலேசிய வானிலை ஆய்வு துறை தெரிவித்துள்ளது.