← Back to list

இன்று முழுமையாக அமுலுக்கு வரும் BUDI95 !

Sep 30, 2025

BUDI95 பெறுநர்கள், Mycard மற்றும் ஓட்டுநர் உரிமம் விவரங்கள் புதுப்பிக்கப்பட்டு விட்டதை உறுதி செய்துக் கொள்ளவும். 

சில ஓட்டுநர் உரிமங்கள் 12 இலக்கு மைகாட் எண்களுக்கு பதிலாக , இன்னும் பழைய அடையாள அட்டையின்  எண்களைப் பயன்படுத்துவதாக, நிதி அமைச்சு தெரிவித்துள்ளது.. 

பரிவர்த்தனைகளில் இடையூறுகளை தவிர்க்க, பொதுமக்கள் சுய விவர தரவுகளை சரிபார்த்துக் கொள்ள அமைச்சு வலியுறுத்தியது.. 

----------- 

Budi95 திட்டம் நாடு தழுவிய அளவில், இன்று முழுமையாக அமுலுக்கு வருகிறது. 

அத்திட்டத்தின் மூலம் தகுதி பெற்ற மலேசியர்கள், RON95 ரக பெட்ரோலை லிட்டருக்கு ஒரு ரிங்கிட் 99 சென்னுக்கு பெறலாம். 

தகுதி பெறாதவர்கள், லிட்டருக்கு 2 ரிங்கிட் 60 சென்  விலையை செலுத்த வேண்டியிருக்கும். 

------- 

இதனிடையே, நாடு முழுவதும் நேற்று மட்டும், BUDI95 திட்டதின் கீழ்,சுமார்  22.9 மில்லியன் ரிங்கிட் மதிப்பிலான பரிவர்த்தனைகள் மேற்கொள்ளப்பட்டுள்ளன. 

அப்பரிவர்த்தனைகள் எவ்வித இடையூறுமின்றி சீராக நடைப்பெற்றதாக, நிதி அமைச்சு தெரிவித்துள்ளது. 

-------- 

பிரதமர் Datuk Seri Anwar Ibrahim, Oxford பல்கலைக்கழகத்தின் இஸ்லாமியக் கல்வி மையத்தில்  உரையாற்றும் அழைப்பை ஏற்றுக்கொண்டுள்ளார். 

உரிய நேரத்தில், அங்கு தனது சொற்பொழிவை வழங்கப் போவதாக அவர், தெரிவித்துள்ளார். 

------ 

நெகெரி செம்பிலானில்,9 வயது மாணவன் பள்ளியின் கழிவுநீர் குழியில் விழுந்து உயிரிழந்த சம்பவம் தொடர்பில், கழிவுநீர் அமைப்பில் எந்தவொரு தவறும் இல்லை என பொதுப்பணித்துறை தெரிவித்துள்ளது. 

-------- 

பேராக் ஈப்போவில், வளர்ப்பு நாயை உலோகக் கம்பியால் அடித்துக் கொன்றதாக நம்பப்படும் நபர் கைது செய்யப்பட்டுள்ளார். 

அவர் பிணையில் விடுவிக்கப்பட்டாலும், விசாரணை தொடர்ந்து வருகிறது. 

-------- 

பிலிப்பைன், மனிலாவில், தென்மேற்கு பருவமழை மற்றும் வெப்பமண்டல புயல்களினால், 9 லட்சத்துக்கும் அதிகமான குடும்பங்கள் பாதிக்கப்பட்டுள்ளன. 

-------- 

வியட்நாம்  வடக்கு மத்திய கரையில், சூறாவளி தாக்கியதில் குறைந்தது 13 பேர் உயிரிழந்துள்ளனர். 

சுமார் 46 பேர் காயமடைந்துள்ளனர். 

------ 

சிங்கப்பூரில், மக்கள் தொகை 6.11 மில்லியனாக உயர்ந்தாலும்,  பிறப்பு விகிதத்தில் சரிவு காணப்படுவதாக தகவல்கள்  தெரிவிக்கின்றன.