← Back to list

கோர விபத்து தொடர்பில் ஐவரிடம் வாக்குமூலம் !

Sep 29, 2025

BUDI95 திட்டத்திற்கான தகுதிச் சரிபார்ப்புகள் சீராக நடைபெறுவதை உறுதிசெய்ய அதிகாரிகள் தீவிரமாக பணியாற்றி வருகின்றனர். 

நாளை முழுமையாக செயல்படுத்தப்படவிருக்கும்,அத்திட்டத்தில் இடையூறுகளை தவிர்க்க, நிதி அமைச்சு, சாலை போக்குவரத்து துறையுடன் இணைந்து செயல்பட்டு வருவதாக, தெரிவித்துள்ளது. 

முன்னதாக, சில தரப்பு, செல்லுபடியாகும் ஓட்டுநர் உரிமம் மற்றும் Mycard அடையாள அட்டை வைத்திருந்தும், அத்திட்டதிற்கு தகுதிப் பெறவில்லை என  புகார் அளித்திருந்தது.  

அந்த புகார்கள், மிகக் குறைந்த எண்ணிக்கையிலானவர்களை உடப்டுத்தியது என்றும், பெரும்பான்மையானவர்களுக்கு எந்த சிக்கலும் இல்லை  என்றும் அமைச்சு தெளிவுப்படுத்தியது. 

------- 

BUDI95 திட்டத்தில் , முதற்கட்டமாக, ராணுவம் மற்றும் காவல்துறையை சேர்ந்த 90 ஆயிரம் பேர் பயனடைந்துள்ளனர். 

அதில், சுமார் 3.7 மில்லியன் ரிங்கிட் மதிப்பிலான பரிவர்த்தனைகள் மேற்கொள்ளப்பட்டுள்ளதாக நிதி அமைச்சு தெரிவித்துள்ளது. 

------   

சிலாங்கூர், புக்கிட் காஜாங் Toll சாவடியில், நிகழ்ந்த கோர விபத்து தொடர்பில்,லாரி உரிமையாளர் உட்பட, ஐவரிடம் வாக்குமூலம் பதிவுச் செய்யப்பட்டுள்ளது. 

பிரேக் செயலிழந்ததால், டோல் சாவடியில் மோதுவதற்கு முன்பு, அந்த லாரி ஓட்டுநர்   லாரியில் இருந்து குதித்து உயிர் தப்பியதாக காவல் துறை தெரிவித்துள்ளது. 

அச்சாலை விபத்தில் எட்டு பேர் காயமடந்துள்ளதோடு, ஒரு வயது குழந்தை உயிரிழந்தது. 

-------- 

நெகிரி செம்பிலானில், கடந்த சனிக்கிழமை 3 ஆம் வகுப்பு மாணவர் ஒருவர் கழிவுநீர் குழியில் விழுந்து உயிரிழந்ததைத் அடுத்து, நாடு முழுவதும் உள்ள அனைத்துப் பள்ளிகளிலும் பாதுகாப்பு தணிக்கைகளை நடத்துமாறு, CUEPACS கல்வி அமைச்சை கேட்டுக் கொண்டுள்ளது. 

------- 

நாட்டில் பெரும்பாலான, புற்றுநோய் சம்பவங்கள் தாமதமான நிலையிலேயே கண்டறியப்படுவதால், வழக்கமான சுகாதாரப் பரிசோதனைகளை மேற்கொள்ளுமாறு  சுகாதார அமைச்சு, பொதுமக்களுக்கு நினைவூட்டியது. 

------- 

தமிழகம் கரூரில், நடிகரும் தமிழக வெற்றிக் கழகத்தின் தலைவருமான விஜய் நட்த்திய பிரச்சாரத்தில், சிக்கி யிரிழந்தவர்களின் எண்ணிக்கை 40 ஆக உயர்ந்துள்ளது. 

50க்கும் மேற்பட்டோர் காயமடைந்துள்ளனர். 

இந்நிலையில் அச்சம்பவத்தில் உயிரிழந்தவர்களின்  குடும்பங்களுக்கு தலா 20 லட்சம் ரூபாயும், காயமடைந்தவர்களின் குடும்பங்களுக்கு தலா இரண்டு லட்சம் ரூபாயும் வழங்கவுள்ளதாக விஜய் அறிவித்துள்ளார்.