← Back to list

BUDI95 மாத வரம்புக்கு பிரதமரின் விளக்கம்!

Sep 26, 2025

BUDI95 திட்டத்தில், மாதத்திற்கு RON 95 Petrol-லுக்கான மாத வரம்பு வைக்கப்பட்டது குறித்து, பிரதமர் விளக்கமளித்துள்ளார். 

இந்த வரம்பு, மலேசியர்களில் 98 விழுக்காட்டினர் பயன்படுத்தும் பெட்ரோல் தேவையை அடிப்படையாகக் கொண்டு, கவனமாக நிர்ணயிக்கப்பட்டதாகும் என அவர் கூறினார். 

பெரும்பாலும், மக்கள் 300 லிட்டருக்கும் குறைவாகவே அப்பெட்ரோலைப் பயன்படுத்துகின்றனர். 

எனவே, அரசாங்கம் முன்னதாக 250 லிட்டர் வரம்பு என திட்டமிட்டிருந்தது என அவர் சொன்னார். 

இதேவேளை, 300 லிட்டருக்கு மேல் அந்த பெட்ரோலை பயன்படுத்தும் சிறிய குழுவினருக்கும், அத்திட்டம் சாதகமாக அமைய வேண்டும் எனும் நோக்கில், அனத் வரம்பு நிர்ணயிக்கப்பட்டுள்ளது, என்றாரவர். 

------- 

இதனிடையே, BUDI95 திட்டம் என்பது பொதுமக்கள் செலுத்தும் வரியின் அடிப்படையில் வழங்கப்படும் சலுகையாக இருப்பதால், அந்த நன்மையை மக்களே பெறுவது நியாயமானது ! 

மலேசியர்கள் மற்றும் வெளிநாட்டவர்களை வேறுபடுத்தும் நோக்கில், பரிவர்த்தனைகளில் MyKad அட்டை பயன்படுத்தப்பட வேண்டும் என பிரதமர் விளக்கினார். 

------- 

இவ்வேளையில், RON95 பெட்ரோலை பயன்படுத்தும் மீனவர்கள், விவசாயிகள் மற்றும் படகு வைத்திருப்பவர்கள் உள்ளிட்ட குழுவினரின் கோரிக்கையை அரசாங்கம் பரிசீலிக்கவுள்ளதாக, பிரதமர் தெரிவித்துள்ளார் ! 

இவர்கள் பெரும்பாலும் ஓட்டுநர் உரிமம் இல்லாதவர்கள் என்பதால், BUDI95 திட்டத்தில் இருந்து விலக்கப்படக்கூடிய நிலை உருவாகலாம் என்பதே அந்த கோரிக்கையின் முக்கிய நோக்கமாகும். 

சபா, சரவாக், கிளந்தான் போன்ற மாநிலங்களில், மீனவர்கள், படகு உரிமையாளர்கள் அதிகம் RON95 ரக பெட்ரோலைப் பயன்படுத்துகின்றனர். 

-------- 

மற்றொரு பக்கம், BUDI MADANI RON95 திட்டம் ஒரு நிமிடத்தில் சுமார் முப்பதாயிரம் பரிவர்த்தனைகளை செயல்படுத்த கூடிய திறன் கொண்டது என பிரதமர் உறுதியளித்தார். 

அத்திட்டம்  முதல் கட்டமாக, இராணுவ வீரர்களுக்கும், காவல்துறையினருக்கும் நாளை தொடங்கவிருக்கிறது.  

-------     

மலக்காவில், Visit Malaysia 2026-ஐ பிரதமர் நாளை இரவு  தொடக்கி வைக்க உள்ளார். 

உலக சுற்றுலா தின கொண்டாட்டம் மற்றும் உலக சுற்றுலா மாநாடு நாளை தொடங்கி மூன்று நாட்களுக்கு, அம்மாநிலத்தில் நடைபெறும். 

--------- 

சிலாங்கூர் பட்டத்து இளவரசர், திருமண விழாவையொட்டி, கிள்ளானில் நாளை முதல் 10 சாலைகள் மூடப்படும். 

நாளை தொடங்கி செப்டம்பர் 29 வரை, பின்னர் அக்டோபர் 1 முதல் அக்டோபர் 2 வரை, சாலைகள் மூடப்படும் என மாநில காவல் துறை தெரிவித்துள்ளது. 

-------- 

மலேசியாவில், அடுத்த செவ்வாய்க்கிழமை தொடங்கி நவம்பர் வரை பருவமழை மாற்றம் ஏற்படும் என மலேசிய வானிலை ஆய்வுத் துறை தெரிவித்துள்ளது. 

குறிப்பாக மாலை மற்றும் இரவில் குறுகிய நேரத்திற்கு, பலத்த காற்றுடன் கூடிய கனமழை பெய்ய வாய்ப்புள்ளதாக, அது கூறியது.