← Back to list

வர்த்தக வாகனங்களில் வேக கட்டுப்பாடு சாதனம்

Sep 24, 2025

வர்த்தக வாகனங்களில் வேக கட்டுப்பாடு சாதனத்தை பெருத்தாதவர்கள் மீது கடுமையான நடவடிக்கை எடுக்கப்படும். 

இன்னும் அச்சாதனத்தை பொருத்தாத வாகன உரிமையாளர்களுக்கு 10 நாள்கள் வரை அவகாசம் வழங்கப்பட்டுள்ளது. 

தவறினால், தக்க தண்டனை உண்டு என போக்குவரத்து அமைச்சு தெரிவித்துள்ளது. 

நேற்று வரை, ஒரு லட்சத்துக்கும் அதிகமான வர்த்தக  வாகனங்களில் 2.7 விழுக்காட்டு வாகனங்கள் மட்டுமே அந்த வேக கட்டுப்பாடு சாதனத்தை பொருத்தியுள்ளதாக அமைச்சு சொன்னது. 

சுற்றுலா மற்றும் விரைவுப் பேருந்துகள் உள்ளிட்ட வர்த்தக   வாகனங்களுக்கான வேக கட்டுப்பாடு சாதனம், அக்டோபர் ஒன்று முதல் கட்டாயமாக்கப்படுகிறது. 

-------- 

இதனிடையே, BUDI95 உதவித் திட்டத்திற்கு, 2.4 மில்லியன் மலேசியர்கள் தகுதி பெறவில்லை என போக்குவர்த்து அமைச்சு தெரிவித்துள்ளது. 

மூன்று ஆண்டுகளுக்கு மேல், புதுபிக்கத் தவறியவர்களின் ஓட்டுநர் உரிமம், தானாகவே ரத்து செய்யப்பட்டதால், அவர்கள் அச்சலுகையை இழந்துள்ளதாக, அவ்வமைச்சு விளக்கியது. 

பொதுமக்கள் தங்கள் உரிமங்களின் காலாவதி தேதியைச் சரிபார்த்துக் கொள்ளவும்,MyJPJ செயலியின் மூலம் இலகுவான முறையில் புதுபித்துக் கொள்ளவும் அறிவுறுத்தப்படுகின்றனர். 

செப்டம்பர் 30-ஆம் தேதி முதல், ஓட்டுநர் உரிமம் வைத்திருக்கும் அனைத்து மலேசியர்களும், BUDI MADANI RON95 திட்டத்திற்கு தகுதி பெறுவர் என அரசாங்கம் அறிவித்திருந்தது. 

------- 

நாட்டில், தற்போது தென்மேற்கு பருவ கால மாற்றங்களினால், இம்மாதம் இறுதி முதல் நவம்பர் வரை, இடியுடன் கூடிய கனமழை பெய்யும் என மலேசிய வானிலை ஆய்வு துறை கணித்துள்ளது. 

------- 

நேற்று, Hong Kong-ஐ தாக்கிய Ragasa சூறாவளி இன்று தெற்கு சீனாவை தாக்கியுள்ளது. 

தாக்கப்பட்ட அப்பகுதிகளில் பள்ளிகள், வணிக நிறுவனங்கள் மூடப்பட்டுள்ளன. 

முன்னதாக, தைவானில், ஏற்பட்ட அந்த Ragasa சூறாவலியில்,  14 பேர் உயிரிழந்தாகவும் 124 காணாமல் போனதாகவும் தகவல் தெரிவிக்கின்றன. 

------- 

தாய்லாந்து, Bangkok-கில் மருத்துவமனை ஒன்றின் அருகே, கிட்டத்தட்ட ஐம்பது மீட்டர் ஆழத்திற்கு நில அமிழ்வு ஏற்பட்டுள்ளது. 

அச்சம்பவத்தில் உயிருடற்சேதம் ஏதுமில்லை.  

----------  

இந்தியா, கொல்கத்தாவில் 39 ஆண்டுகளில் இல்லாத அளவுக்கு மோசமான மழை பெய்துள்ளது.  

10 பேர் உயிரிழந்துள்ள வேளை, பெரும்பாலோர் மின்சாரம் தாக்கி உயிரிழந்ததாக தகவல்கள் கூறுகின்றன. 

---------