← Back to list

RON95 மானியம்; வெளிநாட்டு வாகனங்களுக்கு அல்ல !

Sep 23, 2025

வெளிநாடுகளில் பதிவு செய்யப்பட்ட வாகனங்களுக்கான, RON95 பெட்ரோல் தடை தொடரும் ! 

எதிர்காலத்தில் RON95 சந்தை விலை விகிதப்படி நிர்ணயிக்கப்பட்டாலும், இந்த தடையில் மாற்றமில்லையென நிதியமைச்சு தெரிவித்துள்ளது. 

மானிய விலையிலான RON95 பெட்ரோல், மலேசியர்களுக்கும், மலேசியாவில் பதிவு செய்யப்பட்ட கார்களை ஓட்டும் வெளிநாட்டினருக்கும் மட்டுமே விற்கப்பட வேண்டும் என அது வலியுறுத்தியது.  

BUDI95 திட்டத்தின் கீழ், மலேசியர்கள் லிட்டருக்கு 1 ரிங்கிட் 99 சென் என்ற மானிய விலையில் RON 95 பெட்ரோலை வாங்கலாம். 

அதே நேரத்தில் மலேசிய கார்களை ஓட்டும் வெளிநாட்டினர் சந்தை விலையை செலுத்த வேண்டும். 

----------

நாடு முழுவதும் 10 ஒருங்கிணைந்த மருத்துவ உடல் பருமன் நிர்வாக மையங்களை அமைக்கும் பணியில், சுகாதார அமைச்சு ஈடுபட்டுள்ளது ! 

அம்மையங்களில், நோயாளிகளை சரியான சிகிச்சைக்கு வழிநடத்தும் திட்டமிட்ட முறைகளும், பல துறைகளில் உள்ள நிபுணர்களும் இருப்பர் என சுகாதார அமைச்சு தெரிவித்துள்ளது. 

இவ்வாண்டு ஜனவரி முதல் செப்டம்பர் வரை பரிசோதிக்கப்பட்ட 12 லட்சம் இளையோர்களில், 61.7 விழுக்காட்டினர் உடல் பருமன் அல்லது அதிக எடை கொண்டிருப்பதை அவ்வமைச்சு சுட்டிக்காட்டியது.

----------- 

சரவாக் மிரியில் உள்ள தேசிய இளைஞர் திறன் கல்வி நிறுவனத்தில், சில மாணவர்கள் சக நண்பரை தாக்கும் காணொலி பரவியதை அடுத்து, இளைஞர் விளையாட்டுத் துறை அமைச்சு முழுமையான விசாரணையை மேற்கொண்டு வருகிறது ! 

இந்த சம்பவம், ஒரு குறும்புத்தனமான செயல் என கண்டறிந்த பின்னர், காவல்துறை இந்த வழக்கை மேல் நடவடிக்கை இல்லாத வழக்காக வகைப்படுத்தியது.

------------ 

கோலாலம்பூரில் கடந்த இரண்டு நாட்களில், ஏழாயிரம் எச்சரிக்கை அறிவிக்கைகள் வழங்கப்பட்டதாக, காவல்துறை தெரிவித்துள்ளது ! 

அதில் அதிகபட்சமாக, கார் ஓட்டுநர்களே அறிவிக்கைகளைப் பெற்றனர்.

---------- 

கோலாலம்பூர், பேராக் உட்பட சில மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யலாம் என மலேசிய வானிலை ஆய்வு மையம் தெரிவித்துள்ளது.