← Back to list

RON95 ரக பெட்ரொல் விலை குறைப்பு; 16 மில்லியன் மக்கள் பயனடைவர் !

Sep 22, 2025

RON95 ரக பெட்ரொலுக்கான விலை குறைப்பு சலுகை, 16 மில்லியனுக்கும் அதிகமான மலேசியர்களுக்குப் பயனளிக்கும். 

தனிநபர் வருமானத்தை கணக்கிடாது, ஓட்டுநர் உரிமம் உள்ள அனைவரும் அச்சலுகையை தொடர்ந்து அனுபவிப்பார்கள் என பிரதமர் DSAI தெரிவித்துள்ளார். 

காவல்துறையினரும் ராணுவ வீரர்களும் செப்டம்பர் 27 முதல் லிட்டருக்கு 1 ரிங்கிட் 99 சென்னுக்கு RON95 ரக பெட்ரோலைப் பெறலாம். 

STR உதவித்தொகை பெறும் B40 வர்கத்தினர், செப்டம்பர் 28 தொடங்கி அச்சலுகையை அனுபவிக்கலாம். 

அதிக பயன்பாட்டு நெரிசலைத் தவிர்க்கவே அவ்வாறு செய்யப்படுகிறது. 

செப்டம்பர் 30 முதல் RON95 ரக பெட்ரொலுக்கான விலை 2 ரிங்கிட் 05 சென்னிலிருந்து, ஒரு ரிங்கிட் 99 சென் ஆக குறைக்கப்படுகிறது. 

---------- 

இவ்வேளையில், BUDI95 திட்டத்தின் மூலம், பொதுமக்கள் மாதத்திற்கு 300 லிட்டர் வரை RON95 ரக பெட்ரோலுக்கான இலக்கு வைக்கப்பட்ட உதவித் தொகையை அனுபவிக்கலாம்! 

என்றாலும், e-hailing வாகன ஓட்டுநர்களுக்கு விலக்கு அளிக்கப்படுகிறது. 

300 லிட்டருக்கும் மேற்பட்ட பெட்ரோலுக்கு அவர்கள் விண்ணப்பிக்கலாம் என பிரதமர் கூறினார். 

வெளிநாட்டு பயனர்கள்  லிட்டருக்கு 2 ரிங்கிட் 60 சென் செலுத்தியே RON5 ரக பெட்ரோலை பெற முடியும். 

-------- 

சிறுவர்களை உட்படுத்திய பாலியல் குற்றங்களின் சட்ட விதிமுறைகள் திருத்தம் செய்யப்பட வேண்டும். 

அதன் தொடர்பில், ஆண்கள் மீது மட்டுமே நடவடிக்கை எடுப்பதை மேற்கோள் காட்டி, கிளந்தான் மாவட்ட காவல் துறை அவ்வாறு கேட்டுக் கொண்டுள்ளது. 

அண்மையில், அம்மாநிலத்தில்,  கிட்டத்தட்ட 90 விழுக்காட்டு குற்றங்கள்,இருபாலரும் இணங்கியே ஏற்பட்டிருப்பதாக புள்ளிவிவரங்கள் காட்டுகின்றன. 

எனவே, ஆண்கள் மட்டுமல்லாது, சம்மந்தப்பட்ட பெண்கள் மீதும் சட்ட நடவடிக்கை எடுக்கப்பட வேண்டும் மாநில காவல் துறை வலியுறுத்தியது. 

--------- 

இதனிடையே, பஹாங்கில், ஆசிரியர் ஒருவர் தனது மாணவனை உடல் ரீதியாக பாலியல் துன்புறுத்தல் புரிந்ததாக எழுந்துள்ள குற்றச்சாட்டு தொடர்பில், காவல் துறை  விசாரணையை தொடக்கியுள்ளது. 

முன்னதாக, பாதிக்கப்பட்ட அம்மாணவனின்  தாயார், ஆசிரியர் ஒருவர் தனது மகனைத் தாக்கியதாகக் கூறி புகாரளித்திருந்தார். 

-------- 

மாட்சிமை தங்கிய மாமன்னர் சுல்தான் இப்ராஹிமும் அவர் தம் துணைவியாரும் 43-ஆம் ஆண்டு திருமண நாளை மகிழ்ச்சியுடன் கொண்டாடுகின்றனர்.