← Back to list

COVID-19-னில், XFG எனப்படும் புதிய வகை தொற்று!

Sep 20, 2025

சிலாங்கூர் புத்ரா ஹைட்ஸ், எரிவாயு குழாய் வெடிப்பு தீ சம்பவம் தொடர்பிலான, விசாரணை அறிக்கையை மறு ஆய்வு செய்யும் முயற்சிகள் தீவிரப்படுத்தப்பட்டுள்ளன. 

அதன் தொடர்பில், சிறப்பு குழு ஒன்றை அமைக்கும் முயற்சியில், நிபுணர்களின் பெயர் பட்டியல் அங்கீகரிக்கப்பட்டுள்ளதாக மாநில அரசு தெரிவித்துள்ளது. 

அக்குழு,தொழில் பாதுகாப்பு சுகாதாரத் துறை, மற்றும் தீயணைப்பு  மீட்பு துறை மேற்கொண்ட விசாரணைகளை அடிப்படையாகக் கொண்டு ஆக்கப்பூர்வமாக செயல்படும் என மாநில மந்திரி பெசார் தெரிவித்துள்ளார். 

அக்குழுவில் எரிவாயு துறை உள்ளிட்ட பல துறைகளைச் சேர்ந்த நிபுணர்களும், சிறப்பு தகுதிகள் கொண்ட வல்லுநர்களும் இருப்பாதாக அவர் மேலும், கூறினார். 

கடந்த ஏப்ரல் மாதத்தில், அந்த எரிவாயு குழாய் வெடிப்பு தீ சம்பவம்  ஏற்பட்டது. 

----------

சிலாங்கூரில் செயற்கை நுண்ணறிவைப் பயன்படுத்தி, Tengku Permaisuri-யின் படத்தை தவறாகப் பயன்படுத்திய போலி டிக்டாக் கணக்குக்கு எதிராக சிலாங்கூர் அரண்மனை காவல்துறையில் புகார் அளித்துள்ளது. 

இதனிடையே, சமூக ஊடக பயனர்கள், இத்தகைய செயல்களில் ஈடுப்படுவதை தவிர்க்குமாறு அறிவுறுத்தப்படுகின்றனர். 

-------- 

சபாவில், வெள்ள நிலைமை சீரடைந்து வருகிறது. 

சமூக நலத் துறையின் ஆகக் கடைசி தகவல் படி, பாதிக்கப்பட்டவர்களின் எண்ணிக்கை, சபாவில் 1600-ஆகவும் சரவாக்கில் 13-ஆகவும் உள்ளது. 

இதனிடையே, பிரதமர் DSAI, சபாவில் வெள்ளம் மற்றும் நிலச்சரிவால் பாதிக்கப்பட்டவர்களுக்கு உடனடி உதவிகள் வழங்கவும் , சேதமடைந்த கட்டமைப்புகளை விரைவாக பழுதுபார்க்கவும் உத்தரவிட்டுள்ளார். 

-------

COVID-19, பெருந்தொற்றில் XFG எனப்படும் புதிய வகை தொற்று நோய் ஒன்று பரவி வருகிறது. 

பதிவுச் செய்யப்பட்ட நாற்பத்து மூன்றாயிரத்துக்கும் அதிகமான COVID-19 சம்பவங்களில், அப்புதிய வகை 8.2 விழுக்காடு அளவில் இருப்பதாக சுகாதார அமைச்சு கூறியது. 

என்றாலும், கடந்தாண்டை காட்டிலும், அவ்வெண்ணிக்கை  49.5 விழுக்காடு குறைந்திருப்பதையும் அமைச்சு மேற்கோள் காட்டியது. 

------ 

இவ்வேளையில், Covid-19 பெருந்தொற்றினால்  இவ்வாரம் 91 வயதுடைய வீடற்ற முதியவர் ஒருவர் உயிரிழந்துள்ள வேளை,  இவ்வாண்டில் ஒட்டு மொத்தமாக 3 உயிரிழப்புகள் பதிவாகியுள்ளன. 

எனவே, பொதுமக்கள், கைகளை சுத்தமாக கழுவுதல், முகமூடி அணிதல் மற்றும் தடுப்பூசி போட்டுக்கொள்ளுதல் போன்ற அடிப்படையான பாதுகாப்பு நடவடிக்கைகளைப் பின்பற்ற வேண்டும் என அமைச்சு அறிவுறுத்தியது.