← Back to list

வெள்ளத்தில் தொற்று நோய்கள் ஏதும் கண்டறியப்படவில்லை !

Sep 19, 2025

ஆகக் கடைசி தகவல்படி நாட்டில் சபா மற்றும் சரவாக் மட்டுமே வெள்ளத்தால் பாதிக்கப்பட்டுள்ளன! 

சமூக நலத் துறையின் தகவல் படி, அவ்விரு மாநிலங்களிலும் சுமார் ஈராயிரத்து மூன்னூறுக்கும் அதிகமானோர் பாதிக்கப்பட்டிருப்பது தெரிய வந்துள்ளது. 

சபாவில், பாதிக்கப்பட்ட 744 குடும்பங்களைச் சேர்ந்த ஏறக்குறைய ஈராயிரத்து முன்னூரு பேர் 17 துயர்துடைப்பு மையங்களில் தஞ்சம் புகுந்துள்ளனர். 

-------- 

இவ்வேளையில், சபாவில் வெள்ளம் மற்றும் நிலச்சரிவுகளைத் தொடர்ந்து துயர்துடைப்பு மையங்களில் தங்கியிருப்போரிடையே, தொற்று நோய்கள் எதுவும் கண்டறியப்படவில்லை. 

எனினும் அதிகாரிகள் நிலைமையைத் தொடர்ந்து கண்காணித்து வருவதாக சுகாதார அமைச்சு தெரிவித்துள்ளது. 

------- 

இதனிடையே, பிரதமர் DSAI  இன்று சபா மாநிலத்திற்கு பயணம் மேற்கொள்கிறார். 

Kota கினபாலுவில் நிலச்சரிவு மற்றும் வெள்ளம் காரணமாக பாதிக்கப்பட்ட மக்களை பார்வையிட்டு ஆதரவு வழங்கும் நோக்கில் அப்பயணம் அமைகிறது. 

-------- 

தாய்லாந்தின் புதிய பிரதமராக பதவியேற்றிருக்கும் Anutin Charnvirakul-ஐ மலேசியாவிற்கு வருகை தருமாறு அதிகாரப்பூர்வ அழைப்பு விடுத்துள்ளார், பிரதமர் DSAI. 

-------- 

சிலாங்கூரில், கடந்த ஐந்து ஆண்டுகளில், அரசு ஊழியர்களை உட்படுத்திய  மொத்தம் 628 திவால் சம்பவங்கள் பதிவு செய்யப்பட்டுள்ளன. 

அவற்றில், வீட்டு கடன் மற்றும் வாகனம் வாங்கும் கடன்களை காரணங்களாக கொண்டவையே அதிகம். 

--------- 

ஜொகூர் மூவாரில், தனது தந்தையை காயப்படுத்தியதோடு, வீடு மற்றும் குடும்பத்தினரின் வாகனத்திற்கு தீ வைத்ததாக நம்பப்படும் முன்னாள் பொறியிலாளர் ஒருவர் ஏழு நாட்கள் தடுப்புக் காவலில் வைக்கப்பட்டுள்ளார். 

32 வயதான,அவர்   மனநல குறைப்பாடு கொண்டவர் என்றும் போதை பொருள் உட்கொண்டிருந்ததும் முதற்கட்ட விசாரணையில் தெரிய வந்துள்ளது.