← Back to list

Airlines விமானம் Bangkok-க்கு திருப்பிவிடப்பட்டது !

Sep 18, 2025

கோலாலம்பூர் அனைத்துலக விமான நிலையத்தில் இருந்து வங்காளதேசத்துக்கு புறப்பட்ட மலேசிய Airlines விமானம் Bangkok-க்கு திருப்பிவிடப்பட்டுள்ளது ! 

அது தொழில்நுட்ப கோளாறால் அல்ல; மாறாக, பயணி ஒருவருக்கு அவசர மருத்துவ சிகிச்சை தேவைப்பட்டதே அதற்குக் காரணம். 

மலேசிய வான் போக்குவரத்துக் குழுமம், அதனை தெளிவுப்படுத்தியது.

--------- 

சிலாங்கூர் சபா பெர்னாமில், பள்ளியின் மூன்றாவது மாடியில் இருந்து விழுந்ததாக நம்பப்படும் மூன்றாம் படிவ மாணவனுக்கு சுயநினைவு திரும்பியிருப்பதாகக் கூறப்படுகிறது ! 

அதனை உறுதிப்படுத்திய அவனது குடும்பத்தினர், கூடுதல் விவரங்களை கொடுக்க மறுத்துவிட்டனர்.  

அப்பையன் Sungai Buloh மருத்துவமனையில் சிகிச்சைப் பெற்று வருகிறான்.

------------ 

அடுத்த வாரம், விடுமுறைக்குப் பிறகு பள்ளிகள் மீண்டும் திறக்கப்படும் போது, சபாவில் வெள்ள நிலைமையில் முன்னேற்றம் இல்லையென்றால், வீட்டில் இருந்து கற்றல் கற்பித்தலை மேற்கொள்ளும் முறை, அமுலுக்கு வரலாம் என கல்வி அமைச்சு தெரிவித்துள்ளது ! 

தற்போது அங்கு 38 பள்ளிகளைச் சேர்ந்த சுமார் 230 மாணவர்கள், அப்பேரிடரால் பாதிக்கப்பட்டுள்ளனர்.  

-------- 

இதனிடையே, ஈராயிரத்துக்கும் மேற்பட்டோர் வெள்ளத்தால் பாதிக்கப்பட்டிருக்கும் சபாவுக்கு, பிரதமர் Datuk Seri Anwar Ibrahim நாளை செல்கிறார் ! 

அங்குள்ள நிலைமையைக் கருத்திற்கொண்டு, வெள்ள நிவாரணப் பணிகளைக் கண்காணிக்க, அவர் அங்கு பயணமாகிறார்.

----------- 

சிலாங்கூர் காஜங்கில் உள்ள ஒரு பேரங்காடியில், சக வகுப்பு நண்பனை அறைந்ததாகக் கூறப்படும் 13 வயதான இரண்டு சிறுவர்களுக்கு, நன்னடத்தை தண்டனை வழங்க, Magistrate நீதிமன்றம் உத்தரவிட்டுள்ளது !  

-------- 

2020 முதல் ஐந்து ஆண்டுகளில், சிலாங்கூரில் மொத்தம் 628 அரசு ஊழியர்கள் திவாலானவர்களாகப் பதிவு செய்யப்பட்டுள்ளதாக, மாநில திவால் துறை தெரிவித்துள்ளது !

------------ 

அடுத்த மாதம் கோலாம்பூரில் நடைபெறும் ஆசியான் உச்சநிலை மாநாட்டில், இந்திய பிரதமர் நரேந்திர மோடியும் கலந்துகொள்வார் என பிரதமர் Datuk Seri Anwar Ibrahim தெரிவித்துள்ளார் !