← Back to list

சிறந்த தேர்ச்சி மாணவர்களுக்கு கல்வி உரிமை !

Sep 10, 2025

மிகச் சிறந்த தேர்ச்சி பெற்ற மாணவர்களுக்கு, பொது பல்கலைக்கழகங்களில் இடம் வழங்கப்பட வேண்டும் ! 

அவர்களின் தகுதிக்கேற்ற அல்லது அவர்கள் விரும்பும் பட்டப்படிப்புகளை வழங்குவதே முறையாகும் என மஇகா உதவித் தலைவர் டத்தோ நெல்சன் ரெங்கநாதன் தெரிவித்துள்ளார். 

மிகச் சிறந்த தேர்ச்சி பெற்றும், அவர்கள் விரும்பும் துறைகளுக்கு பதிலாக, வேறு துறைகள் கிடைப்பதால், அவர்கள் தனியார் பல்கலைக்கழகங்களில் சேர வேண்டியுள்ளது. 

வசதி குறைந்த மாணவர்களுக்கு அது சிரமத்தை ஏற்படுத்துவதாக அவர் கூறினார். 

முன்னதாக, STPM-மில், கிட்டத்தட்ட சரியான முடிவுகளைப் பெற்றிருந்தும், மாணவர் ஒருவருக்கு UM-இன் கணக்கியல் பாடத்திட்டத்தில் இடம் கிடைக்காமல் போன சம்பவம் பகிரங்கமாகக் பரவியது குறிப்பிடத்தக்கது. 

----------- 

இவ்வாண்டு இறுதிக்குள், தவணை முறையில் கட்டணம் செலுத்தும் SIM card பதிவுகளுக்கு MyDigitalID பயன்பாடு கட்டாயமாக்கப்படும் ! 

இந்த நடவடிக்கை, பாதுகாப்பை மேம்படுத்தவும் ஒரே நபரின் பெயரில் பல SIM கார்டுகள் பதிவு செய்யும் குறைபாடுகளை சரிசெய்யவும் மேற்கொள்ளப்படுவதாக தொடர்பு துறை அமைச்சு தெரிவித்துள்ளது.  

தற்போதைய பதிவு முறையில் உள்ள பாதுகாப்பு குறைபாடுகள் சமூக ஊடகங்களில் தவறான கணக்குகள் உருவாகும் அபாயத்தை ஏற்படுத்துகின்றன.  

அதனைத் தடுக்கும் வகையில், MyDigitalID கட்டாயமாக்கப்படவுள்ளது. 

------- 

நாடு தழுவிய அளவில், வேப் பொருட்கள் மீதான தடை, கட்டம் கட்டமாக செயல்படுத்தப்படும் ! 

அத்தடை முதலில் திறந்த அமைப்புடைய, திரவம் நிரப்பக்கூடிய வேப் சாதனங்களை குறிவைத்து தொடங்கப்படும்.  

பின்னர், அனைத்து வகையான வேப் பொருட்களுக்கும் விரிவுப்படுத்தப்படும். 

------ 

திரங்கானுவில், ஓட்டுநர் உரிமம் இல்லாமல் வாகனத்தை ஓட்டிச் சென்றதோடு, காரை நிறுத்தக் கோரிய காவல் துறையினரின் வாகனத்தை, மோத முயன்றதாகக் கூறப்படும், 16 வயது சிறுவன் கைதாகியுள்ளான் ! 

------- 

சபாவில், சுமார் 200 பேர் வெள்ளத்தால் பாதிக்கப்பட்டு துயர்துடைப்பு மையத்தில் தங்க வைக்கப்பட்டுள்ளனர் !