← Back to list

2026 பஜ்ஜெட்; இந்தியர்களுக்கு நன்மையளிக்கக்கூடும் !

Sep 04, 2025

2026 வரவு செலவு திட்டத்திற்கு, வீடமைப்பு ஊராட்சித் துறை அமைச்சு 13 திட்டங்களை நிதியமைச்சிடம் பரிந்துரைத்துள்ளது ! 

அவற்றில், இந்திய கிராமங்களின் மேம்பாட்டுக்காக, 150 மில்லியன் ரிங்கிட்டை கோருவதும் அடங்கும். 

இதைத் தவிர்த்து, முஸ்லிம் அல்லாத வழிபாட்டுத் தலங்களின் பராமரிப்பு பணிகளுக்காகவும், 100 மில்லியன் ரிங்கிட்டை KPKT கோரியுள்ளது. 

2026 பஜ்ஜெட் தாக்கல், ஆக்டோபர் 10-ஆம் தேதி தாக்கல் செய்யப்படவுள்ளதாக எதிர்பார்க்கப்படுகிறது.

--------- 

இந்திய சமூகத்தில், இணைய பகடிவதைச் சம்பவங்கள் இன்னும் பரவலாக உள்ளன ! 

திக்தோக்கில் குறிப்பாக அதன் நேரலையில், பகடிவதை சம்பவங்கள் குறித்த புகார்கள் தொடர்ந்து வந்த வண்ணமாகத் தான் இருப்பதாக, தொடர்புத்துறை அமைச்சர் Datuk Fahmi Fadzil தெரிவித்துள்ளார். 

TikTok தளம், அதன் நேரலை உட்பட உள்ளடக்கங்களை கண்காணிக்க,  Moderater-கள் எண்ணிக்கையை அதிகரிக்க வாக்குறுதி அளித்திருந்தாலும், தமிழில் உள்ளடக்கங்களை மதிப்பீடு செய்ய எத்தனை Moderater-கள் நியமிக்கப்பட்டுள்ளனர் என்பதை விளக்கத் தவறியுள்ளது. 

-------- 

பள்ளி விடுதிகளில் ஏற்படும் அசம்பாவிதங்களை கருத்தில் கொண்டு, கல்வியமைச்சு முன்னெச்சரிக்கை நடவடிக்கைகளை எடுத்து வருகிறது ! 

இதற்காக, தேர்ந்தெடுக்கப்பட்ட 200 விடுதிகளுடன் கூடிய பள்ளிகளில், விரைவில் 3 மில்லியன் ரிங்கிட் செலவில், CCTV கேமராக்கள் பொருத்தப்படும். 

----------- 

அரசியல்வாதிகளை உட்படுத்திய  குற்றவியல் விசாரணைகளில் மூன்றில் இரண்டு பங்கு, மேற்கட்ட நடவடிக்கை இல்லாதவையாக வகைப்படுத்தப்பட்டுள்ளன ! 

2020 முதல், அரசியல் பிரமுகர்களுக்கு எதிராக திறக்கப்பட்ட 60 விசாரணை அறிக்கைகளில், 41 அறிக்கைகள், அவ்வாறு வகைப்படுத்தப்பட்டுள்ளதாக, சட்ட சீர்திருத்த அமைச்சர் தெரிவித்துள்ளார். 

------------ 

ஆசிய Podcast விருதுகளில், Syok இரண்டு பரிசுகளைத் தட்டிச் சென்றுள்ளது ! 

SYOK, தொடர்ச்சியாக இரண்டாவது ஆண்டாக, ஆண்டின் Podcast Audio வெளியீட்டாளர் விருதையும், ஆண்டின் Podcast Audio தயாரிப்பாளர் விருதையும் வென்றது. 

Syok podcasts-களை, Syok செயலி வாயிலாகவோ, அல்லது Spotify மற்றும் Apple வாயிலாகவோ கேட்டு மகிழலாம்.