← Back to list

5ஆம் தேதி, பொது பல்கலைக்கழக விண்ணப்ப முடிவுகள் !

Sep 03, 2025

STPM முடித்து, பொது பல்கலைக்கழகங்களுக்கு விண்ணப்பித்த மாணவர்கள், வரும் வெள்ளிக்கிழமை அதற்கான முடிவுகளைப் பெறவுள்ளனர் ! 

நண்பகல் 12 மணி தொடங்கி, மாணவர்கள் UPU இணையத் தளம் வாயிலாக தங்களின் முடிவுகளை சரிபார்த்துக்கொள்ளலாம். 

அப்பல்கலைக்கழகங்களில் இடம் கிடைக்காத மாணவர்கள், வெள்ளிக்கிழமை தொடங்கி பத்தே நாட்களுக்குள் மேல்முறையீட்டு விண்ணப்பத்தை சமர்ப்பிக்கலாம் என உயர் கல்வி அமைச்சு தெரிவித்தது. 

---------- 

நிலநடுக்க பேரிடரை எதிர்கொள்ளும் தயார்நிலையை வலுப்படுத்தும் நோக்கில், தேசிய பேரிடர் நிர்வாக அமைப்பு, பல்வேறு பாதுகாப்பு நிறுவனங்கள் மற்றும் சம்பந்தப்பட்ட குடியிருப்புவாசிகளுடன் இணைந்து, பயிற்சி மற்றும் ஒத்திகை நடவடிக்கைகளை நடத்தவுள்ளது ! 

ஜொகூர் செகாமாட்டில் அண்மையில், அடுத்தடுத்து வலுவற்ற நிலநடுக்கங்கள் ஏற்பட்டதை அடுத்து, NADMA அந்நடவடிக்கையை முன்னெடுக்கிறது. 

--------- 

ஆட்சியாளர்களிடையேயான பாதுகாப்பு அம்சங்களை ஆராய்ந்து மேம்படுத்துமாறு உள்துறை அமைச்சுக்கு உத்தரவிடப்பட்டுள்ளது !  

கடந்த ஞாயிற்றுக்கிழமை பேராக் சுல்தான் மீதான தாக்குதல் முயற்சி சம்பவம் போல் மீண்டும் நிகழாமல் இருக்க அது அவசியமாவதாக, அரசாங்கப் பேச்சாளர் Datuk Fahmi Fadzil தெரிவித்துள்ளார்.  

--------- 

சிலாங்கூர் சபா பெர்னாமில் கடந்த மாத இறுதி வாக்கில், மூன்றாம் படிவ மாணவன், பள்ளி தங்கும் விடுதியின் 3-ஆவது மாடியில் இருந்து விழுந்த சம்பவம் தொடர்பான விசாரணை அறிக்கைகளை, காவல்துறை இறுதிச் செய்து வருகிறது !  

சம்பந்தப்பட்ட மாணவன், இன்னும் மருத்துவமனையில் சிகிச்சை பெற்று வருகிறான்.  

--------- 

ஜொகூர் பாருவில், தனது வளர்ப்பு மகனை துன்புறுத்தியதாக, 32 வயது நபர் மீது நீதிமன்றத்தில் குற்றஞ்சாட்டப்பட்டுள்ளது !