← Back to list

TBS-சில் டிக்கெட்டுகளுக்கு எழுபது சென் சேவைக் கட்டணம் !

Sep 03, 2025

நாட்டில், பகடிவதை சம்பவங்களை தடுக்கும் முயற்சிகளை வலுப்படுத்தும் நோக்கில் நடைபெற்ற கூட்டத்தில், பகடிவதை தடுப்பு நடுவர் மன்ற மசோதா பரிசீலிக்கப்பட்டது ! 

சட்ட விவகாரங்களுக்கான பிரதமர்  துறை அமைச்சு அவ்வாறு தெரிவித்துள்ளது. 

நடப்பில் இருக்கும் சட்ட கட்டமைப்பில்,மறுவாழ்வு மற்றும் சிறுவர்கள் பாதுகாப்பு கூறுகளை இணைப்பது குறித்தும் அதில் பேசப்பட்டதாக அவ்வமைச்சு கூறியது. 

மேலும், பள்ளிகள், உயர்கல்வி கூடங்கள், பணியிடங்கள் மற்றும் இணையங்களில் பகடிவதை ஒழிப்பு முயற்சிகள், விரிவாக செயல்படுத்தப்படுவதை உறுதிசெய்யும் அணுகுமுறை குறித்தும் அக்கூட்டத்தில் விவாதிக்கப்பட்டது. 

------  

கோலாலம்பூரில், TBS பேருந்து முனையத்தின் முகப்புகளில் கொடுக்கப்படும் அல்லது அச்சிடப்படும் டிக்கெட்டுகளுக்கு, எழுபது சென் சேவைக் கட்டணமாக வசூலிக்கப்படவுள்ளது. 

அந்த கட்டணம் APAD எனப்படும், நிலப்பொது போக்குவரத்து நிறுவனத்தால் அங்கீகரிக்கப்பட்ட கட்டணங்களுக்கு இணங்க செயல்படுத்தப்படவுள்ளதாக, அப்பேருந்து முனையம் சமூக ஊடக பதிவில் தெரிவித்திருந்தது. 

பயணிகள் தங்களின் டிக்கெட்டுகளை இணையத்தளம், செயலிகள் அல்லது QR குறியீட்டுடன் கூடிய இலக்கவியல் முறையில் வாங்கிக் கொள்ள அறிவுறுத்தப்படுகின்றனர். 

அது, மக்கள் நீண்ட வரிசையில் நிற்பதைத் தவிர்க்க உதவும். 

-------- 

பஹாங், குவாந்தானில் உள்ள பொழுதுபோக்கு பூங்கா ஒன்றில் இருக்கும், இரண்டு செயற்கை ஏரிகளில் ஆயிரக்கணக்கான மீன்கள் இறந்து கிடந்தன. 

அங்கு வருகை தரும் பார்வையாளர்கள்,புகாரளித்ததை அடுத்து, அந்த மீன்கள் இறந்ததற்கான காரணத்தை கண்டறியும் பணிகள் நடைபெற்று வருவதாக, மாநில மீன்வளர்ப்பு துறை தெரிவித்துள்ளது. 

விசாரணைக்கு உதவ, உயிரியல் பாதுகாப்பு மைய அதிகாரிகள் இறந்த மீன்களின் மாதிரிகளை எடுத்துள்ளனர். 

-------- 

சிலாங்கூர், குவாலா சிலாங்கூரில், கடந்த ஞாயிற்றுக் கிழமை ஆலய வழிப்பாட்டின் போது, துப்பாக்கியைக் கொண்டு வானத்தை நோக்கிச் சுட்டதாக சந்தேகிக்கப்படும் நபரை, காவல் துறை தடுப்பு காவலில் வைத்துள்ளது. 

அதன் தொடர்பிலான, காணொலி ஓன்று சமூக ஊடகங்களில் பரவியது. 

-------- 

இரண்டாம் உலகப் போர் முடிவடைந்ததின் 80ஆம் ஆண்டு நினைவாக சீனாவில் நடைபெற்ற வெற்றி தின அணிவகுப்பில் பங்கேற்ற 26 வெளிநாட்டு தலைவர்களில், மலேசிய பிரதமர் டத்தோஸ்ரீ அன்வார் இப்ராஹிமும்  கலந்து கொண்டார்.