← Back to list

நிலநடுக்க கண்காணிப்புகள் தீவிரப்படுத்தப்பட்டு வருகின்றன!

Sep 02, 2025

நிலநடுக்கம் அபாயம் உள்ள பகுதிகளைக் கண்காணிக்கும் பணிகள் தீவிரப்படுத்தப்பட்டு வருகின்றன. 

அதன் தொடர்பில், மலேசிய வானிலை ஆய்வுத் துறை உள்ளிட்ட,  தொடர்புடைய பிற துறைகளுடன் நெருக்கமாகப் பணியாற்றி வருவதாக, தேசிய பேரிடர் நிர்வாக அமைப்பு தெரிவித்துள்ளது. 

அம்முயற்சி, பொதுமக்களின் பாதுகாப்பையும், முக்கிய உள்கட்டமைப்புகளையும் உறுதி செய்வதற்கான முன்னெச்சரிக்கை நடவடிக்கைகளின் ஒரு பகுதியாகும் என அது கூறியது. 

அண்மையில், ஜொகூரில் தொடர்ச்சியாக வலுவற்ற நிலநடுக்கங்கள் சில ஏற்பட்டு வந்தன. 

-------- 

இவ்வேளையில், நேற்று வரை நாடு முழுவதும் வெப்பம் தொடர்பான நோய்களால் 47 பேர் பாதிக்கப்பட்டுள்ளதாக தேசிய பேரிடர் நிர்வாக அமைப்பு தெரிவித்துள்ளது. 

அதில் 12 பேர் சிலாங்கூரில், பேராக் மற்றும் சபாவில் தலா ஏழு பேர் என்றும், எஞ்சியவர்கள் மலாக்கா,ஜொகூர், திரெங்கானு, நெகிரி செம்பிலான், பகாங் மற்றும் கெடாவில் இருப்பாதாகவும் அவ்வமைப்பு தெரிவித்துள்ளது. 

------- 

கிழக்கு Afghanistan-னில் நேற்று ஏற்பட்ட ஆறு ரிக்டர் அளவிலான வலுவான நிலநடுக்கத்தில், மலேசியர்கள் யாரும் பாதிக்கப்படவில்லை என வெளியுறவு அமைச்சு  தெரிவித்துள்ளது. 

அந்த நிலநடுக்கத்தில் எண்ணூறுக்கும் மேற்பட்ட உயிரிழப்புகள் மற்றும், மூவாயிரம் பேர் காயமடைந்துள்ளனர். 

--------

பேராக்கில், மாநில அளவிலான தேசிய தின கொண்டாட்டத்தின் போது, சுல்தானை நெருங்கிய பெண் மீது காவல் துறை கட்டொழுங்கு விசாரணையைத் தொடக்கியுள்ளது. 

------ 

நீண்ட வார இறுதி விடுமுறையை தாய்லாந்தில் களித்து விட்டு திரும்பியவர்களில்,போதைப்பொருள் பயன்படுத்தியாதாக நம்பப்படும் 23 பேரை மலேசிய அதிகாரிகள் கைது செய்துள்ளனர். 

அதில், கெடாவைச் சேர்ந்த ஆறாம் படிவம் மாணவர் ஒருவரும் அடங்குவார்.