← Back to list

Zara மரண விசாரணை; தாயார் இணைகிறார் !

Aug 28, 2025

Zara Qairina மரணம் தொடர்பான சட்டப்பூர்வமான விசாரணையில், அவளின் தாயார் ஈடுபடவுள்ளார் !

அவளது தாயாரை, அவ்விசாரணையில் ஆர்வமுள்ள ஒரு தரப்பினராக அங்கீகரித்து, Coroner நீதிமன்றம் அனுமதி வழங்கியது. 

அது, Zara-வின் குடும்பத்தைப் பிரதிநிதிக்கும் வழக்கறிஞருக்கு, சாட்சிகளை விசாரித்து குறுக்கு விசாரணை செய்ய அனுமதி உட்பட, தொடர்புடைய அனைத்து ஆவணங்களையும் அணுக வகை செய்யும். 

Zara-வை பகடிவதை செய்ததாக, நீதிமன்றத்தில் குற்றம் சாட்டப்பட்ட ஐவருக்கும், அவ்விசாரணையில் ஈடுபட அனுமதி வழங்கப்பட்டுள்ளது. 

கடந்த மாதம், சபாவில் பள்ளி விடுதி அருகில் சுயநினைவற்ற நிலையில் கண்டெடுக்கப்பட்ட ZARA, ஒரு நாள் கழித்து உயிரிழந்தார்.  

--------- 

இதனிடையே, KL Wangsa Maju-சில் கடந்த வாரம், ஒரே அடுக்குமாடி குடியிருப்பு பகுதியில் பல்கலைக்கழக மாணவர்கள் விழுந்து உயிரிழந்ததாக நம்பப்படும், இரண்டு வெவ்வேறு சம்பவங்கள் குறித்த விரிவான விசாரணை இன்னும் நடந்து வருகிறது. 

அவ்விரு சம்பவங்களுக்கும் தொடர்பிருப்பதாக எந்தவொரு அறிகுறியையும் கண்டுபிடிக்க முடியவில்லை என காவல்துறை கூறியது.  

அவ்விருவரும் பகடிவதைக்கு ஆளானார்களா என்பதையும், அத்துறை விசாரித்து வருகிறது. 

---------- 

சபாவில், கடந்தாண்டு மார்ச்சில், சக மாணவரை அடித்து கொலை செய்த வழக்கில், Vokasional கல்லூரியின் முன்னாள் மாணவன் ஒருவனுக்கு, 2 பிரம்படிகளுடன் கூடிய ஆயுள் தண்டனை விதித்து, உயர் நீதிமன்றம் தீர்ப்பளித்துள்ளது ! 

அச்சம்பவத்தில் ஈடுபட்ட மற்ற ,18 வயதுக்கு கீழ்ப்பட்ட 12 பேருக்கு சிறை தண்டனை விதிக்கப்பட்டுள்ளது. 

--------- 

மற்றொரு பக்கம், பகடிவதைச் சம்பவங்களைத் தடுக்கும் முயற்சியாக, பள்ளிகளில் மீண்டும் பிரம்படியை அறிமுகப்படுத்தும் நாடாளுமன்ற உறுப்பினரின் பரிந்துரையை, அரசு சாரா நிறுவனம் ஒன்று வரவேற்றுள்ளது !  

ஆனால், அத்தகைய தண்டனை, கடுமையான வழிகாட்டுதல்களுக்கு உட்பட்டிருக்க வேண்டும் என தேசிய பெற்றோர்-ஆசிரியர் சங்கங்களின் ஆலோசனை மன்றம் தெரிவித்தது.  

-------- 

பினாங்கு Relau-வில், அடுக்குமாடி குடியிருப்பு பகுதியின் 17 மாடியின் கூரையில் சிக்கிய தெரு நாய் ஒன்று, விழுந்து பரிதாபமாக உயிரிழந்துள்ளது ! 

சில பேர், பல நாட்களாக அந்நாயை காப்பாற்ற முயன்ற போதிலும், நேற்று பெய்த கனமழை காரணமாக அது வழுக்கி விழுந்திருக்கலாம் என நம்பப்படுகிறது.