← Back to list

கட்டாய ஓய்வு பெறும் வயதை 65ஆக உயர்த்துவது பரிசீலிக்கப்படும் !

Aug 22, 2025

அரசு ஊழியர்களுக்கான கட்டாய ஓய்வு பெறும் வயதை 65 ஆக உயர்த்தும் திட்டத்தை அரசாங்கம் பரிசீலிக்கும்! 

13வது மலேசிய திட்டத்தின் கீழ் அதன் தொடர்பிலான ஆய்வுகளை,  நடத்தப்போவதாக பொது சேவைத் துறை தெரிவித்துள்ளது. 

நிதி தாக்கங்கள் மற்றும் இளம் தொழிலாளர்களுக்கான வேலை வாய்ப்புகளில் ஏற்படக்கூடிய தாக்கம் உள்ளிட்ட பல்வேறு காரணங்களை கருத்தில் கொண்டே எந்த ஒரு முடிவும் எடுக்கப்படும் என அது சொன்னது. 

சிங்கப்பூரில் பணி ஓய்வு பெறும் வயது 62 ஆகவும், இன்னும் சிலநாடுகளில் 70 ஆகவும் இருப்பதை அவ்வமைச்சு சுட்டிக் காட்டியது. 

அத்தகைய கொள்கை மாற்றத்திற்கு நீண்டகால திட்டமிடல்  தேவைப்படும் என்றும் அது விளக்கியது  

மலேசியாவில் அரசு ஊழியர்களுக்கான தற்போதைய கட்டாய ஓய்வு பெறும் வயது 60 ஆகும். 

--------- 

இளம் தலைமுறையினர் செயற்கை நுண்ணறிவை, ஆர்வத்துடனேயே ஏற்றுக்கொள்கிறனர்!  

பத்தில், ஒன்பது Gen Z தலைமுறையினர், பள்ளிப்பாடங்களுக்கும், உறவு தொடர்பான உளவியல் ஆலோசனைகளுக்கும் AI யின் உதவியை நாடுவது Teleno Asiaவின் அண்மைய கணக்கெடுப்பில் தெரிய வந்துள்ளதாக,CelcomDigiயின் தலைமை புத்தாக்க அதிகாரி T குகன் தெரிவித்துள்ளார். 

வணிகம், வேலை உள்ளிட்டவற்றில் AIயை உட்படுத்தும் அதே வேளை, சுய விவரங்கள் கசியும் அபாயங்கள் மறுக்க முடியாதது என்றும் அவர் கூறினார், 

------- 

2025 நகர்ப்புற புதுப்பிப்பு சட்ட மசோதா நேற்று மக்களவையில் முதல் வாசிப்புக்கு விடப்பட்டது. 

------- 

மலேசியத் தாய்க்கு வெளிநாட்டில் பிறக்கும் குழந்தைகளுக்கு குடியுரிமை வழங்கும் அரசியலமைப்புச் சட்ட மசோதாவில், அடுத்தாண்டு மத்திய வாக்கில் திருத்தங்கள் செய்யப்படும் என எதிர்ப்பார்க்கப்படுகிறது. 

------ 

அவதூறு பேச்சு மற்றும் 3R எனப்படும் இனம், மதம், ஆட்சியாளர் குறித்த விவகாரங்களின் விதிகளை தெளிவுபடுத்தும் நோக்கில், இன மற்றும் மத நல்லிணக்கத்திற்கான அடிப்படை வழிகாட்டி ஆவணத்தை தயார் செய்து வருகின்றது, நாடாளுமன்ற உறுப்பினர்கள் குழு.