← Back to list

பகடிவதை எதிர்ப்பு விழிப்புணர்வு இயக்கம் !

Aug 20, 2025

பகடிவதை எதிர்ப்பு விழிப்புணர்வு இயக்கம், விரைவில் ஆரம்பப் பள்ளிகளில் தொடங்கப்படும் !  

மாணவர்களிடையே பகடிவதைக்கு எதிரான விழிப்புணர்வை ஏற்படுத்துவும், ஒற்றுமையை வளர்க்கவும், அது அவசியமாவதாக, கல்வியமைச்சு தெரிவித்துள்ளது.  

அவ்வியக்கம், சிறந்த தாக்கத்தை ஏற்படுத்துவதை உறுதிச் செய்ய ஏதுவாக, மற்ற அமைச்சுக்களும் அதில் ஈடுபடவிருக்கிறது. 

இளம் தலைமுறையினரின் நலனை பாதுகாக்கும் நோக்கில், பகடிவதையின் தீவிர விளைவுகளை முன்னிறுத்தி, விழிப்புணர்வு இயக்கம் ஒன்றுக்கு, அண்மையில் பேரரசர் Sultan Ibrahim அழைப்பு விடுத்திருந்தார்.  

-------- 

இதனிடையே, Zara Qairina-வைப் பார்த்து கடுமையான வார்த்தைகளைக் கொண்டு பேசியதாக, நீதிமன்றத்தில் கொண்டுவரப்பட்ட குற்றச்சட்டை, ஐவரும் மறுத்துள்ளனர் !   

எனவே, அடுத்த மாதம் 25-ஆம் தேதி, அவ்வழக்கு மறுசெவிமடுப்புக்கு வருகிறது.  

மரணமடைந்த அந்த 13 வயது மாணவியின் மரணத்தில், பகடிவதை அம்சங்கள் கண்டறியப்பட்டது தெரிய வந்துள்ளதாக முன்னதாக தெரிவிக்கப்பட்டிருந்தது.  

-------- 

பிரதமரை அவமதிக்கும் வகையில், போலியான பதிவுகளை திக்தோக்கில் பதிவிட்ட குற்றச்சாட்டின் பேரில், முன்னாள் ஆசிரியரான S.சந்திரசேகரன் நீதிமன்றத்தில் நிறுத்தப்பட்டுள்ளார் !  

எனினும், அவர் தம்மீதான குற்றச்சாட்டை மறுத்தார்.  

--------- 

2022 முதல் ஒவ்வோராண்டும், சராசரியாக ஐயாயிரம் ஆசிரியர்கள், முன்கூட்டியே ஓய்வு பெறத் தேர்வு செய்துள்ளதாக, கல்வி அமைச்சு தெரிவித்துள்ளது ! 

அத்துறையில் ஆர்வமின்மை, உடல்நலம், குடும்ப பிரச்சனைகள் ஆகியவையே அவர்கள் கூறிய காரணங்கள் என அவ்வமைச்சு சொன்னது. 

--------

நாடு முழுவதும் பத்தாயிரத்துக்கும் மேற்பட்ட மாணவர்கள், நாளை 2025-ஆம் ஆண்டு SPM மறு தேர்வு முடிவுகளைப் பெறவுள்ளனர் !