← Back to list

B40 இந்திய தோட்டத் தொழிலாளர்களுக்கு 1 கோடி ரிங்கிட் ஒதுக்கீடு !

Aug 20, 2025

B40 வர்கத்தைச் சேர்ந்த இந்திய தோட்டத் தொழிலாளர்களின் வாழ்க்கைத் தரத்தை உயர்த்தும் நோக்கில், மொத்தம் 1 கோடி ரிங்கிட் நிதி ஒதுக்கப்பட்டுள்ளது! 

தங்கும் வசதி இல்லாத அல்லது வசதி குறைவுடன் தங்குமிடம் கொண்டவர்களுக்கென உதவி தொகையாக ஆயிரம் ரிங்கிட் வழங்கப்படவுள்ளது. 

அது ஒரே முறை வழங்கப்படும் உதவியாகும் என ரமணன் சொன்னார்.  

மேலும், சிறு வணிகம் செய்பவர்களுக்கும் 1 கோடி ரிங்கிட் ஒதுக்கீடு வழங்கப்பட்டுள்ளதாகவும் ரமணன் சொன்னார். 

அதை தவிர, TVET எனப்படும் தொழில் பயிற்சி கல்வி, STEM எனப்படும் அறிவியல், தொழில்நுட்பம், பொறியியல் மற்றும் கணிதத் துறை உட்பட தமதமைச்சின் கீழ், சமுதாயத்திற்கென பல திட்டங்களை அறிமுகப்படுத்தியுள்ளதாக அவர் சொன்னார். 

-------- 

ஜொகூரில், கடந்த மாதம் விபத்துக்குள்ளான தேசிய காவல் படையின் ஹெலிகாப்டரில் எந்த பிரச்சானையும் இல்லை என்பதை ஆய்வாளர்கள் உறுதிப்படுத்தியுள்ளனர். 

விதிமுறைகள் மற்றும் அங்கீகரிக்கப்பட்ட நடைமுறைகளின்படி அந்த ஹிலிகாப்டர் பராமரிக்கப்பட்டு வந்துள்ளதை பதிவுகள் காட்டுகின்றன. 

பயிற்சியின் போது நடந்த, அவ்விபத்தில் ஐந்து பணியாளர்கள் காயமடைந்தனர். 

-------- 

இவ்வாண்டில், முதல் ஆறு மாதங்களில் மட்டும், நாட்டிற்கு வந்த அனைத்துலக சுற்றுப்பயணிகளின் எண்ணிக்கை உயர்வு கண்டுள்ளது. 

அவ்வெண்ணிக்கை, 35 புள்ளி ஆறு விழுக்காடு உயர்ந்திருப்பதாக சுற்றுலா கலை மற்றும் பண்பாட்டு அமைச்சு தெரிவித்துள்ளது. 

--------     

தற்காலிக வேலை அனுமதி அட்டைகளை வைத்திருக்கும் ஒரு லட்சம் வெளிநாட்டு தொழிலாளர்கள் தேடப்பட்டு வருகின்றனர்.  

வெளிநாட்டுத் தொழிலாளர்களை சட்டப்பூர்வமாக்கும் திட்டம் அறிமுகமானதிலிருந்து அவர்களை கண்டுபிடிக்க முடியவில்லை என உள்துறை அமைச்சு தெரிவித்துள்ளது. 

------ 

13 வயது பள்ளி மாணவி Zara Qairina-வை பகடிவதை செய்ததாக, 18 வயதுக்கு  கீழ்பட்ட 5 பேர் மீது இன்று நீதிமன்றத்தில் குற்றம் சாட்டப்படும்.