← Back to list

பிரதமரின் அறிவிப்பு இந்தியர்களின் நலன் காக்கும் !

Aug 19, 2025

MITRA நிதியின் கீழ், இந்தியக் கிராமங்களில் அடிப்படை வசதிகள் மற்றும் பாதுகாப்பு மேம்பாட்டிற்கு, 50 லட்சம் ரிங்கிட் கூடுதல் நிதி ஒதுக்கப்பட்டுள்ளது ! 

வீடமைப்பு ஊராட்சித் துறை அமைச்சு அடையாளம் கண்டுள்ள மொத்தம் 80 இந்தியக் கிராமங்களுக்கு அவ்வுதவி நிதி சென்று சேரும் என பிரதமர் டத்தோ ஸ்ரீ அன்வார் இப்ராஹிம் தெரிவித்துள்ளார். 

அதே சமயம், தமிழ்ப்பள்ளக்ளுக்கான ICT தகவல் தொழில்நுட்பப் ஆய்வுக் கூட உபகரணங்களை மேம்படுத்த, 50 லட்சம் ரிங்கிட் நிதி ஒதுக்கப்பட்டுள்ளதாக , அவர் கூறினார். 

தேர்ந்தெடுக்கப்பட்ட 50 தமிழ்ப்பள்ளிகளில், அதன் வசதிகள் மேம்படுத்தப்படும் என அவர் கூறினார்.  

---------- 

இவ்வேளையில், நாடு முழுவதுமுள்ள பள்ளிகளுக்கு ஒதுக்கப்பட்ட 1 பில்லியன் ரிங்கிட் மூலம், 475 தமிழ்ப்பள்ளிகள் நன்மையடைந்துள்ளதாக, தொழில்முனைவோர், கூட்டுறவு மேம்பாட்டுத் துறை துணை அமைச்சர் R.ரமணன் தெரிவித்துள்ளார். 

பள்ளிகளின் மேம்பாட்டு மற்றும் பராமரிப்பு பணிகளுக்காக, 2025 வரவு செலவுத் திட்டத்தில், அந்த நிதி அறிவிக்கப்பட்டது. 

---------- 

தாம் Zara Qairina-வின் பிரேத பரிசொதனையில் ஈடுபட்ட நோயியல் நிபுணர் என பொய்யாகக் கூறி வந்த நபர், சிலாங்கூர் Kota Damansara-வில் கைது செய்யப்பட்டுள்ளார் ! 

அந்த சந்தேகநபர், தேசிய நிந்தனைக்கு இடமளிக்கும் செயல்கள் மற்றும் இணைய வசதிகளை தவறாக பயன்படுத்திய குற்றச்சாட்டுகளின் அடிப்படையில், விசாரணைக்கு உட்படுத்தப்பட்டுள்ளதாக MCMC தெரிவித்துள்ளது. 

---------- 

இதனிடையே, Zara-வை பகடிவதை செய்ததாகக் கூறப்படும் ஐவரின் அடையாளங்களை வெளியிட வேண்டாம் என, மலேசிய மனித உரிமைகள் ஆணையமான Suhakam பொதுமக்களைக் கேடுட்டுக்கொண்டுள்ளது ! 

அவர்கள், 18 வயதுக்கு கீழ்ப்பட்டவர்களாக இருக்கும் நிலையில், குழந்தைகளின் அடையாளங்களைப் பாதுகாக்கும் சட்ட விதிகளைப் பின்பற்ற வேண்டும் என அது சொன்னது. 

--------- 

கோலாலம்பூர், சிலாங்கூர், கெடா உட்பட, சில மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யலாம் என மலேசிய வானிலை ஆய்வு மையம் தெரிவித்துள்ளது ! 

--------- 

நாடு முழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்டன; அதில் 11 மரணங்கள் பதிவாகின !