← Back to list

அதிகமானோர் உடல் உறுப்பு தானத்திற்காக காத்திருக்கின்றனர்!

Aug 18, 2025

நாட்டில்  பத்தாயிரத்துக்கும் அதிகமானோர் உடல் உறுப்பு தானத்திற்காக காத்திருக்கின்றனர்! 

குறிப்பாக சிறுநீரக மாற்று அறுவை சிகிச்சைக்கான காத்திருப்புப் பட்டியலில் இருப்போரின் எண்ணிக்கை பத்தாயிரத்து எண்ணூரை எட்டியுள்ளதாக சுகாதார அமைச்சர் தெரிவித்துள்ளார். 

பொதுவாக உடல் உறுப்புதானம் செய்பவர்களின் உறவினர்களிடமிருந்து வரும் எதிர்ப்பே, இவ்விவகாரத்தில் தமது தரப்பு எதிர்நோக்கும் முதன்மை சவால் என அமைச்சர் குறிப்பிட்டார். 

நான்கு லட்சத்துக்கும் மேற்பட்ட மலேசியர்கள் தங்கள் உறுப்புகளை தானம் செய்ய முன்வந்தாலும், நடப்பு தேவையைக் காட்டிலும் அது மிகக் குறைவே என அவர் மேலும் விவரித்தார். 

உறுப்புதான பணிகளை வலுப்படுத்த தேசிய மாற்று அறுவை சிகிச்சை வள மையத்தை தேசிய மாற்று அறுவை சிகிச்சை மையமாக மாற்ற  திட்டமிடப்பட்டுள்ளது. 

அம்முயற்சிக்கான பரிந்துரை, 2026-ஆம் ஆண்டு மலாக்காவில் நடைபெற உள்ள ASEAN சுகாதார அமைச்சர்கள் கூட்டத்தில் முன்வைக்கப்படும் என்றும் அவர் சொன்னார். 

------- 

தேசிய கொடியை பறக்க விடும் விஷயத்தில்,  அச்சத்தையும் தயக்கத்தையும் ஏற்படுத்தும் எந்தவொரு தரப்பையும் தீவிரமாக எடுத்துக் கொள்ள வேண்டாம் என தொடர்புத்துறை அமைச்சர் டத்தோ Fahmi Fadzil அறிவுறுத்தியுள்ளார். 

தேசிய கொடியை நினைத்துப் பெருமைப்பட வேண்டும், அதனை பறக்கவிட பயப்பட வேண்டாம் என அரசாங்க பேச்சாளருமான Fahmi வலியுறுத்தினார். 

அதே சமயம் ஜாலூர் கெமிலாங்கை இழிவுப்படுத்தினாலோ, சட்டத்திற்கு எதிராக செயல்பட்டாலோ கடும் நடவடிக்கை பாயும் என்றும் அவர் நினைவூட்டினார். 

---  

தற்காப்பு மற்றும் பாதுகாப்புப் படை வீரர்கள் தங்கள் பதவியை தவறாகப் பயன்படுத்துவதோ சட்டவிரோத செயல்களைச் செய்வதோ வேண்டாம் ! 

முன்னதாக, மூத்த ராணுவ வீரர்கள் சிலர் கடத்தல் கும்பலுக்காக வேலை செய்வதாக வந்த தகவல்களை அடுத்து துணைப் பிரதமர் அவ்வாறு, எச்சரித்துள்ளார். 

------

13 வயது மாணவி Zara Qairinaவின் மரணம் குறித்த வழக்கு விசாரணை இன்று தொடங்குகிறது! 

விசாரணை தொடர்பான நடவடிக்கைகள் விரைவுபடுத்தப்பட்டு வருவதாக தேசிய சட்ட துறை அலுவலகம் தெரிவித்துள்ளது. 

பகடிவதைக்கு ஆளானதாகக் கூறப்படும் Zara, கடந்த மாதம், சபாவில் தனது பள்ளி தங்கும் விடுதி அருகே இறந்த நிலையில் கண்டெடுக்கப்பட்டாள். 

--------- 

முன்னாள் பொருளாதார அமைச்சர் Datuk Seri Rafizi Ramli மகன் தாக்கப்பட்டது தொடர்பான விசாரணை Bukit Aman  குற்றப் புலனாய்வுத் துறையின் கைக்குச் சென்றுள்ளது. 

-----