← Back to list

பகடிவதை தடுப்பு சட்டம் தேவை !

Aug 15, 2025

பகடிவதை எதிர்ப்புச் சட்டம் உருவாக்கப்பட வேண்டும் என அரசாங்கம் வலியுறுத்தப்பட்டுள்ளது !

அச்சட்டம், உடல் ரீதியான பகடிவதை, இணைய பகடிவதை என அனைத்து விதமான பகடிவதைகளையும் உட்படுத்தியிருக்க வேண்டும் என பகடிவதை தடுப்பு சட்டம் உருவாக்கும் இயக்கச் செயலாளரின் தலைவர் தெரிவித்துள்ளார். 

பகடிவதையால் பாதிக்கப்பட்டவர்கள் மற்றும் பகடிவதை செய்பவர்கள் இருவருக்கும், தெளிவான பாதுகாப்பையும் பயனுள்ள தண்டனையும் வழங்கவல்ல நிலையில் அச்சட்டம் இருக்க வேண்டும் என அவர் சொன்னார். 

அண்மையில் அளவுக்கு அதிகமான தீவிரம் கொண்ட பகடிவதைச் சம்பவங்கள் நிகழ்ந்து வருவதை அடுத்து, அவர் அவ்வாறு கூறினார். 

--------- 

Datuk Seri Rafizi Ramli-யின் மனைவியை மிரட்டிய தொலைபேசி எண்ணின் உரிமையாளரை, காவல்துறை தேடி வருகிறது !  

கடந்த புதன்கிழமை புத்ராஜெயாவில் உள்ள ஒரு பேரங்காடியில்,  முன்னாள் பொருளாதார அமைச்சர் Rafizi Ramli-யின் மகன் தாக்கப்பட்டதை அடுத்து, இச்சம்பவம் நடந்தது. 

--------- 

KLIA-வில், குடிநுழைவு அதிகாரியை திட்டி காயப்படுத்தியதாகக் கூறப்படும் சீன நாட்டுப் பெண், 4 நாட்களுக்குத் தடுத்து வைக்கப்பட்டுள்ளார் !   

தனது வரவு, தரவுத் தளத்தில் இல்லை என்பதால் சோதனைக்கு ஒத்துழைக்கும்படி அதிகாரி கூறியதால், கோபமடைந்து அந்நபர் அவ்வாறு நடந்துக் கொண்டதாகத் தெரிகிறது.  

----------   

கெடா குவாலா முடாவில், 2 ஓட்டுநர்கள் சுமார் 1 கிலோமீட்டர் தூரத்திற்கு ஒருவரை ஒருவர் துரத்திச் சென்று, மோதலில் ஈடுபடக் காரணமான ஒரு விபத்து குறித்து, காவல்துறை விசாரணை நடத்தி வருகிறது ! 

இதன் தொடர்பான காட்சிகள் அடங்கிய காணொலி, இணையத்தில் வைரலானது. 

--------- 

இதனிடையே, நாடு முழுவதும் நேற்று மட்டும் 1,600-க்கும் மேற்பட்ட சாலை விபத்துகள் பதிவு செய்யப்பட்டன; அதில் 11 மரணங்கள் பதிவாகின !