← Back to list

Zara மரணம்; விசாரணையில் நடைமுறை மீறல் நிகழ்ந்ததா?

Aug 13, 2025

13 வயது சிறுமி Zara Qairina-வின் மரணம் தொடர்பான ஆரம்பகட்ட விசாரணையில் நடைமுறை மீறல்கள் நடந்துள்ளது கண்டுபிடிக்கப்பட்டுள்ளது ! 

அவளின் மரணத்தைத் தீர விசாரிக்க அமைக்கப்பட்ட சிறப்பு பணிக்குழு ஒன்றின் வழி, அது உறுதியாகியுள்ளதாக, புக்கிட் அமான் குற்றப்புலனாய்வுத் துறை தெரிவித்துள்ளது. 

விசாரணை அதிகாரி, பிரேத பரிசோதனை நடத்த விண்ணப்பிக்கவில்லை என அத்துறை கூறியது. 

கடந்த மாதம் Zara, தனது பள்ளி வளாகத்தில் சுயநினைவின்றி கண்டெடுக்கப்பட்டாள்.   

--------- 

கெடா சுங்கை பட்டாணியில் உள்ள பள்ளியொன்றில், மாணவர் ஒருவரை காயப்படுத்தியதாக, இரண்டு மூன்றாம் படிவ ஆண் மாணவர்கள் மீது நீதிமன்றத்தில் குற்றஞ்சாட்டப்பட்டுள்ளது ! 

அவ்விருவரும் தங்கள் மீதான குற்றச்சாட்டை ஒப்புக்கொண்டனர். 

--------- 

மற்றொரு நிலவரத்தில், சுங்கை பட்டாணியில், வகுப்பு நண்பரை பள்ளி கழிவறையில் அடைத்து வைத்து பகடிவதைச் செய்ததாகக் கூறப்படும், இரண்டு மாணவிகள், இன்று நீதிமன்றத்தில் நிறுத்தப்பட்டனர் !  

----------  

சிலாங்கூர் Hulu Langat-டில் உள்ள பெட்ரோல் நிலையம் அருகில், ஒரு பெட்டியில் புதிதாகப் பிறந்த பெண் குழந்தையைக் கண்டுபிடித்ததாக, பொய்யாகக் கூறி வந்த மூவரை காவல்துறை கைதுச் செய்துள்ளது. 

-------- 

பேராக், பஹாங், கிளாந்தான், திரங்கானு, சபா, மற்றும் சரவாக்கில், இன்றிரவு 7 மணி வரை, இடியுடன் கூடிய கனமழை பெய்யலாம் என மலேசிய வானிலை ஆய்வு மையம் கணித்துள்ளது ! 

--------  

நாடு முழுவதும் நேற்று மட்டும், 1,800-க்கும் மேற்பட்ட சாலை விபத்துகள் பதிவு செய்யப்பட்டன; அதில் 7 மரணங்கள் பதிவாகின.