← Back to list

போலிச் செய்திகளைப் பகிர வேண்டாம் !

Aug 07, 2025

13 வயது பள்ளி மாணவி Zara Qairina வின் மரணம் குறித்து, போலிச் செய்திகளைப் பகிர வேண்டாம் என மலேசிய தொடர்பு பல்லூடக ஆணையம் பொது மக்களை மீண்டும் எச்சரித்துள்ளது! 

நடப்புச் சட்டங்களின் கீழ், அவ்வாறு செய்பவர்கள்   கண்டறியப்பட்டால், சிறைத் தண்டனை மற்றும் ஐந்து லட்சம் ரிங்கிட்  வரை அபராதம் விதிக்கப்படலாம் என அது மேலும் கூறியது. 

முன்னதாக, Zara வின் மரணம் தொடர்பிலான தவறான செய்திகள், சமூக ஊடகங்களில் பரவிய வதந்திகள் குறித்து 10-க்கும் மேற்பட்ட புகார்கள் கிடைக்கப்பெற்றதாக கல்வி அமைச்சு தெரிவித்தது.  

------- 

ஊழியர் சேம நிதி வாரிய சந்தாதாரர்களின் சேமிப்பின் ஒரு பகுதியை, ஓய்வுபெறும் காலத்தில் மாதாந்திர தொகையாக பெறும் திட்டத்தில், தற்போதைய உறுப்பினர்கள் விருப்பப்பட்டால் தன்னார்வ முறையில் சேர்ந்துக் கொள்ளலாம். 

அப்புதிய பரிந்துரை குறித்து, பழைய உறுப்பினர்கள் யாரும் தங்களின் உரிமைகள் பாதிக்கப்படும் என அச்சம் கொள்ள வேண்டாம் என துணை நிதி அமைச்சர் தெரிவித்துள்ளார். 

அத்திட்டம்,  அமுலுக்கு வந்த பிறகு, பதிந்துக் கொள்ளும் புதிய உறுப்பினர்களுக்கு மட்டுமே பொருந்தும் என்றும் அவர் சொன்னார். 

முன்னதாக, 13வது மலேசிய திட்டத்தின் கீழ், EPF உறுப்பினர்களுக்கு மாதாந்திர ஓய்வூதிய திட்டத்தை பிரதமர் அறிவித்திருந்தார்.  

------ 

ஈப்போ, Klebang-கில் உள்ள பேரங்காடி அருகே, இன்று அதிகாலை, உள்ளூர்வாசி என நம்பப்படும் 40 வயது மதிக்கத்தக்க பெண் ஒருவர் உடல் முழுவதும் தீக்காயங்களுடன் இறந்த நிலையில் கண்டெடுக்கப்பட்டார். 

------- 

ஜொகூரில்,Astroவின் உள்ளடக்கங்களை சட்டவிரோத முறையில் ஒளிபரப்பிய குற்றத்திற்காக, Homestay நடத்துனர் ஒருவர் பொது மன்னிப்பு கேட்டுக் கொண்டதோடு, 70 ஆயிரம் ரிங்கிட் நஷ்ட ஈடு கொடுக்கவும் ஒப்புக் கொண்டுள்ளார்!