← Back to list

காவல் வீரர் நீதிமன்றத்தில் !

Aug 06, 2025

கடந்த வாரம் கெடாவில், ஆபத்தான் முறையில் வாகனத்தைச் செலுத்தி, மரணத்தை ஏற்படுத்திய காவல் வீரர் மீது குற்றஞ்சாட்டப்பட்டுள்ளது ! 

அவர் தம்மீதான குற்றச்சாட்டை மறுத்தார். 

சமிக்ஞை விளக்குப் பகுதியில், 16 வயது பள்ளி மாணவனின் மோட்டிசைக்கிளை மோதியதாக, அவர் மீது குற்றஞ்சாட்டப்பட்டது. 

மருத்துவமனையில் அனுமதிக்கப்பட்டிருந்த பாதிக்கப்பட்ட அந்த பையன், கடந்த வியாழக்கிழமை சிகிச்சை பலனின்றி உயிரிழந்தான். 

---------- 

கோலாலும்பூரில், குண்டர் கும்பல் தலைவன் என நம்பப்படும் நபர் ஒருவரை, Bukit Aman குற்றப்புலனாய்வு பிரிவு, இன்று காலை 4 மணியளவில் சுட்டுக் கொன்றது!    

போதை பொருள் கடத்தல், கொள்ளை என அவர் மீது 44 குற்றங்கள் பதிவாகியிருக்கின்றன.   

தலைநகர், சிலாங்கூர், பேராக் ஆகிய மாநிலங்களில், கொள்ளையடித்தல் மற்றும் போதை பொருள் கடத்தலில் ஈடுபட்டு வந்த கும்பல்களுக்குப் பின் அவர் இருந்துள்ளதாகவும் நம்பப்படுகிறது.  

---------- 

13 வயது சிறுமி Zara Qairina-வின் மரணம் தொடர்பான முழு விசாரணை அறிக்கையை, சட்டத்துறை அலுவலகம், காவல்துறைக்கு திருப்பி அனுப்பியுள்ளது ! 

அவ்வறிக்கையில் சேர்க்க வேண்டிய விஷயங்கள் இன்னும் இருப்பதே அதற்குக் காரணம். 

கடந்த மாதம் பள்ளி தங்கும் விடுதியின் மாடியிலிருந்து விழுந்ததாகக் கூறப்படும் அம்மாணவி, அருகிலுள்ள கால்வாய் பக்கமாக சுயநினைவின்றி கண்டெடுக்கப்பட்டாள்.  

--------- 

பெரிய அளவிலான வீடமைப்புத் திட்டங்கள் மடானி கொள்கையை அடிப்படையாக கொண்டிருக்க வேண்டும் என பிரதமர் டத்தோ ஸ்ரீ அன்வார் இப்ராஹிம் தெரிவித்துள்ளார் ! 

வீடமைப்பு மேம்பாட்டாளர்கள், தங்கள் திட்டங்களில் பள்ளிகள், மருத்துவ வசதிகள், பசுமை பூங்கா போன்ற அடிப்படை வசதிகள் அமைந்திருப்பதை உறுதி செய்ய வேண்டும் என அவர் கூறினார். 

--------- 

Multi-Lane Fast Flow எனப்படும், தடுப்பு இல்லாத விரைவோட்ட டோல் முறை அமலுக்கு வந்தவுடன், டோல் கட்டணம் செலுத்துவதைத் தவிர்ப்பவர்களுக்கு, கடுமையான தண்டனைகள் காத்திருப்பதாக, பொதுப்பணித்துறை அமைச்சு தெரிவித்துள்ளது !