← Back to list

மோசடி விழிப்புணர்வு 73 % உயர்வு !

Aug 06, 2025

மலேசியர்களிடையே வங்கி மோசடிகள் குறித்த  விழிப்புணர்வு அதிகரித்து வருகிறது! 

10-ல் 9 பேர் மோசடி தொடர்பான எச்சரிக்கைகளில் கவனமாக இருக்கின்றனர் என்பது உள்ளூர் வங்கி அமைப்புகள் நடத்திய கணக்கெடுப்பில் தெரிய வந்துள்ளது. 

மேலும், 92 விழுக்காட்டினர் தொலைபேசியில் தேவையில்லா கோப்புகளை பதிவிறக்கம் செய்வதன் ஆபத்தை அறிந்து வைத்துள்ளனர். 

85 விழுக்காட்டினர் போலி குறுஞ்செய்திகளை அடையாளம் காணும் ஆற்றல் உடையவர்களாகவும் இருப்பது தெரிய வந்துள்ளது. 

தங்களின் #JanganKenaScam விழிப்புணர்வு முகாமாலும் மோசடி குறித்த விழிப்புணர்வு அதிகரித்திருப்பதாக அவ்விரு சங்கங்களும் தெரிவித்தன. 

------ 

இதனிடையே, இணைய மோசடி, திருட்டு, Deepfake  மற்றும் பொய்யான உள்ளடக்கங்கள் பரவுவது மாதிரியான குற்றங்களை தடுக்க செயற்கை நுண்ணறிவு  கருவி ஒன்றை உருவாக்கி வருகிறது, இலக்கவியல் அமைச்சு! 

------ 

ஜொகூரில்,மருத்துவத் துறையில் தற்போது நிலவி வரும் ஆள்பல பற்றாக்குறையை சமாளிக்க, இந்தோனேசியாவிலுள்ள தாதியர்களை அனுப்புமாறு முன்மொழிந்துள்ளது, மலேசியாவுக்கான அந்நாட்டு துணைத் தூதரகம். 

------- 

2026 பட்ஜட்டில் மக்களின் தேவைகளும் ஆசைகளும் பூர்த்தி செய்யப்படும்! 

அதன் வரவு செலவு அறிக்கைக்கான ஆலோசனைச் சந்திப்புகள் நாளைத் தொடங்கும், என தொடர்பு துறை அமைச்சு சொன்னது. 

------- 

16 வயதில் இடைநிலைப் பள்ளிப் படிப்பை முடிப்பதன் சாத்தியக்கூறுகளை அரசாங்கம் தற்போது ஆராய்ந்து வருகிறது. 

அது மாணவர்களுக்கு TVET தொழிற்பயிற்சிக் கல்வி மற்றும் STEM அறிவியல், தொழில்நுட்ப, பொறியியல் மற்றும் கணித பாட துறைகளில் மிளிர மாணவர்களுக்கு உதவியாக இருக்கும். 

---------  

நாடு முழுவதும் உள்ள அனைத்து ஓட்டுநர் பயிற்சி கூடங்களும் இனி JPJ இன் e-ID-க்கான பதிவுகளைைச் செய்ய அங்கீகரிக்கப்பட்டுள்ளன. 

அந்த e-Id, MySIKAP தளம் மற்றும் MyJPJ  செயலியை பயன்படுத்த தேவைப்படும். 

------- 

நாட்டில் கிளந்தானின் மாச்சாங் பகுதி மட்டுமே, முதல் நிலை வெப்ப எச்சரிக்கையின் கீழ் உள்ளது.