← Back to list

100 ரிங்கிட்; மோசடி கும்பலிடம் சிக்காதீர் !

Aug 05, 2025

அண்மையில் அறிவிக்கப்பட்ட 100 ரிங்கிட் சாரா உதவி நிதியை களவாடிக்கும் கொள்ள முயற்சிக்கும் மோசடி கும்பலிடம் கவனமாக இருங்கள் !

அந்த உதவிக்கான தகுதியைச் சரிபார்க்கும் போர்வையில், இந்த கும்பல்கள் தனிப்பட்ட மற்றும் வங்கித் தகவல்களைப் பெற முயற்சிக்கும் என காவல்துறை எச்சரித்தது. 

SMS, WhatsApp, அல்லது தொலைபேசி அழைப்புகள் மூலம், மோசடி செய்பவர்கள், தாங்கள் அரசு நிறுவனத்தின் பிரதிநிதிகள் என கூறிக்கொண்டு, மக்களை ஏமாற்றப் பார்ப்பார்கள் என அத்துறை கூறியது.

-------- 

சிலாங்கூர் Putra Heights எரிவாயு குழாய் தீ விபத்தில் சேதமடைந்த வீடுகளை மீண்டும் கட்டும் பணிகள் எவ்வாறு நடைபெறுகின்றன என்பதை, மாநில அரசு மதிப்பீடு செய்ய உள்ளது ! 

அப்பணிகள், அந்த வீடுகள் எந்தளவுக்கு சேதமடைந்திருக்கிறது என்பதைத் பொறுத்து நடைபெறுகின்றன. 

எனவே, பொதுமக்கள் அதனை புரிந்துகொள்ளும்படியும், பொறுமையாக இருக்கும்படியும், மாநில Menteri Besar கேட்டுக்கொண்டுள்ளார்.   

---------- 

பொது பயன்பாட்டிற்கும் நீண்ட தூர பயணத்திற்கும் FRU-வுக்காக, 16 புதிய மற்றும் பாதுகாப்பான பேருந்துகளை வாங்குவது குறித்து, உள்துறை அமைச்சு பரிசீலித்து வருகிறது.   

அப்பேருந்துகள் 44 பேரை ஏற்றிச் செல்லக்கூடியதாகும் அவ்வமைச்சு கூறியது. 

மே மாதம், 9 FRU கலகத் தடுப்பு வீரர்களைக் கொன்ற, FRU டிரக் விபத்தை அடுத்து, அந்த பரிந்துரை முன்வைக்கப்பட்டது.

---------- 

சிலாங்கூர் செர்டாங் UPM-மில் உள்ள மரமொன்றில் மோதி, ஓர் ஆசிரியர் மற்றும் மூன்று மாணவர்கள் காயமடைந்த பேருந்து விபத்துக்குப் பொறுப்பான, 44 வயதுடைய ஓட்டுநர் மீது, இன்று குற்றம் சாட்டப்படவுள்ளது ! 

அப்பேருந்து, 5 ஆசிரியர்களையும், 30 மாணவர்களையும் ஏற்றிச் சென்றது. 

---------- 

Negeri Sembilan Port Dickson-னில் உள்ள பள்ளியொன்றில், Jalur Gemilang தேசிய கொடியை தலைகீழாக பறக்கவிட்ட ஆடவர், விசாரணைக்கு அழைக்கப்படுவார் என காவல்துறை தெரிவித்துள்ளது !