← Back to list

ஜெம்போல், மகனை புதைக்க சரியான இடமா ?

Aug 04, 2025

6 வயது சிறுவன் திஷாந்தின் படுகொலைக்கு, குடும்ப பிரச்சனையே காரணமாக இருக்கலாம் என நம்பப்படுகிறது ! 

சந்தேக நபரான அச்சிறுவனின் தந்தையிடம் நடத்தப்பட்ட விசாரணையின் மூலம், காவல்துறை அம்முடிவுக்கு வந்துள்ளது. 

எனினும், கொலைக்கான உண்மையான காரணத்தைக் கண்டறிய விசாரனை நடைபெற்று வருகிறது.

இவ்வேளையில், ஜெம்போல் தனக்கு பழக்கப்பட்ட இடம் என்பதாலேயே, அவ்வாடவர் மகனை அங்கு கொன்று புதைத்ததாக காவல்துறை கூறியது.

---------- 

பினாங்கில், மருத்துவர் ஒருவர், பெண் நோயளிகளுக்கு பாலியல் தொல்லை கொடுத்து வந்ததாகக் கூறப்படும் சம்பவம் தொடர்பான விசாரணை அறிக்கை, மீண்டும் அரச தரப்பு துணை தலைமை வழக்கறிஞரிடம் சமர்பிக்கப்பட்டுள்ளது !  

முன்னதாக, விசாரணை அறிக்கை சமர்ப்பிக்கப்பட்டிருந்தாலும், மேலதிக விசாரணை மேற்கொள்ள உத்தரவிடப்பட்டதாக காவல்துறை தெரிவித்துள்ளது.  

அந்த விசாராணையும் முடித்துவிட்டு, அதன் அறிக்கையும் சமர்பிக்கப்பட்டிருப்பதாக, அத்துறை கூறியது.  

---------- 

மலேசியா-சிங்கப்பூர் எல்லையில், VEP எனப்படும் வாகன நுழைவு அனுமதி சோதனையின் போது 1,400-க்கும் மேற்பட்ட சம்மன்கள் வழங்கப்பட்டுள்ளன ! 

அதன் மொத்த மதிப்பு, 4 லட்சத்து, 45-ஆயிரத்துக்கும் அதிகமானதாகும் என சாலை போக்குவரத்துத் துறை தெரிவித்துள்ளது.  

சிங்கப்பூர் வாகனங்களில் ஆயிரத்துக்கும் மேற்பட்டவை, RFID VEP Tag-குகளைப் பொருத்தாமலும் அதனை முடுக்கிவிடாமலும் இருந்துள்ளன.   

---------- 

கடந்தாண்டு தொடங்கி, இவ்வாண்டு இதுவரையில், வெளிநாட்டினரை மணந்த மலேசிய தாய்மார்களுக்கு வெளிநாட்டில் பிறந்த குழந்தைகளுக்கு குடியுரிமை கோரி வந்த, கிட்டத்தட்ட ஈராயிரம் விண்ணப்பங்கள் அங்கீகரிக்கப்பட்டுள்ளன ! 

அக்குழந்தைகளுக்கு தானாகவே குடியுரிமை வழங்கும், அரசியலமைப்பு திருத்தம், அடுத்தாண்டு மத்தியில் நடைமுறைக்கு வரும் என எதிர்பார்க்கப்படுகிறது. 

அந்த திருத்தம், கடந்தாண்டு அக்டோபரில் மக்களவையில் நிறைவேற்றப்பட்டது.  

---------- 

நாட்டின் நுழைவுப் புள்ளிகளில், ஊழல் நடக்கும் பட்சத்தில், அதனை புகாரளிக்கும், அரசு ஊழியர்களுக்கு ஊக்கத்தொகை கொடுக்கும் பரிந்துரையை, மக்களவை துணை சபாநாயகர் முன்வைத்துள்ளார் ! 

முகப்பு மோசடி உள்ளிட்ட சட்டவிரோத நடவடிக்கைகளை கண்டறிந்து, நாட்டின் எல்லைகளில் ஊழலை குறைக்கும் நோக்கில், அப்பரிந்துரையை அவர் முன்வைத்தார்.