← Back to list

விலை மற்றும் விநியோகத்தை கண்காணிக்க புதிய அமைப்பு !

Aug 04, 2025

13-வது மலேசியத் திட்ட அமுலாக்கத்தின் போது, விலை மற்றும் கையிருப்பு தரவுகளை சேமிக்கும் மைய அமைப்பு ஒன்றை உள்நாட்டு வாணிக வாழ்க்கைச் செலவின அமைச்சு உருவாக்கும்.. 

அதன் மூலம், உற்பத்தியாளர்கள், மொத்த விற்பனையாளர்கள், சில்லறை விற்பனையாளரகள் முதல் பயனீட்டாளர்கள் வரை, எல்லா நிலையிலும் அரசாங்கம் விலைகளைக் கண்காணிக்க முடியும் என KPDN தெரிவித்தது. 

அத்தியாவசியப் பொருட்களின் விலையில் மூன்றாம் தரப்பினரின் தலையீடை திறம்பட கண்காணித்து கண்டறிவதே அதன் நோக்கமாகும். 

அவ்வமைப்பு உணவுச் சங்கிலியை வலுப்படுத்துவது மட்டுமல்லாமல், விலை உயர்வினை கண்டறிந்து கட்டுப்படுத்த உதவும் என்றும் அது விளக்கியது. 

ஒவ்வொரு மாநிலத்திற்கும் தனித்தனியாக விலயைக் கண்காணிக்கும் செயற்குழுவும் அமைக்கப்பட்டுள்ளதாக அது சொன்னது.   

--------- 

மருந்து விலையைக் காட்சிப்படுத்தும் விதிமுறையைப் பின்பற்றத் தவறும் தனியார் சுகாதார நிலையங்களுக்கு சுகாதார அமைச்சு  அபராதம் விதிக்கும்! 

அக்டோபர் 1 ஆம் தேதி முதல்,அது அமுலுக்கு வருகிறது. 

முழு அமலாக்கம் 2026 ஜனவரி 1 முதல் தொடங்கும் என சுகாதார அமைச்சு தெரிவித்துள்ளது. 

------  

சிலாங்கூர், செர்டாங்கில் மூன்று மாணவர்களும் ஆசிரியர் ஒருவரும் காயமடைந்த பேருந்து  விபத்தில் தொடர்புடய  நிறுவனம் மீது, பாதுகாப்பு ஆய்வுகளை போக்குவரத்து துறை JPJ மேற்கொள்ளவிருக்கிறது. 

--------

கோலாலும்பூர், Cheras-சில் இறந்து கிடந்த ஏழு மாத பெண் குழந்தை, பல்வேறு காயங்களால் இறந்ததை என்பதை காவல் துறை  உறுதிப்படுத்தியுள்ளது. 

அந்த சிசு நீண்டகால வன்கொடுமைக்கு ஆளாகி இருக்கலாம் என நம்பப்படுகிறது. 

------- 

ரஷ்யாவின் கிழக்குப் பகுதியில் உள்ள எரிமலை ஒன்று கிட்டத்தட்ட 500 ஆண்டுகளுக்குப் முதல் முறையாக வெடித்துள்ளது.. 

கடந்த வாரம் அதே பகுதியில் ஏற்பட்ட பெரிய நிலநடுக்கத்துடன் இதற்கு தொடர்பு இருக்கலாம் என நிபுணர்கள் நம்புகின்றனர்.