← Back to list

போர் நிறுத்தம்; கண்காணிப்பு குழு தேவை !

Aug 01, 2025

தாய்லாந்துக்கும் கம்போடியாவிற்கும் இடையிலான போர் நிறுத்தம் திறம்பட செயல்படுத்தப்படுவதை உறுதி செய்ய, ஒரு கண்காணிப்புக் குழுவை நிறுவ மலேசியா முன்மொழிந்துள்ளது ! 

ஆசியான் நாடுகளைச் சேர்ந்த, 30-க்கும் மேற்பட்ட ராணுவ வீரர்கள், இக்குழுவில் இருக்க வேண்டும் என ஆயுதப்படைகள் தெரிவித்திருக்கின்றன. 

அதன் பின்னர், தாய்லாந்து மற்றும் கம்போடியாவில், தலா இரண்டு இடங்களில் வீரர்கள் நிறுத்தப்படுவர். 

இரு நாடுகளின் ஒப்புதலுக்கேற்பவே, அத்திட்டம் செயல்படுத்தப்படும். 

இந்த வார தொடக்கத்தில், மலேசியா மேற்கொண்ட பேச்சுவார்த்தைக்குப் பிறகு, அவ்விரு ஆசியான் நாடுகளும், போர் நிறுத்தத்திற்கு ஒப்புக்கொண்டன.

------------- 

நெகிரி செம்பிலான் ஜெம்போலில், தனது 6 வயது மகனை கொலை செய்து புதைத்ததாகக் கூறப்படும் தந்தை, இன்று முதல் 7 நாட்களுக்கு தடுத்து வைக்கப்பட்டுள்ளார் !  

முன்னதாக, ஜொகூரில் தடுத்து வைக்கப்பட்டிருந்த அவர், தற்போது மேற்கட்ட விசாரணைக்காக ஜெம்போலிலும் தடுத்து வைத்து விசாரிக்கப்படுகிறார்.  

கடந்த திங்கட்கிழமை ஜொகூர் Iskandar Puteri-யில் காணாமல் போனதாகக் கூறப்பட்ட அப்பையன், ஜெம்போலில் தான் புதையுண்ட நிலையில் கண்டெடுக்கப்பட்டான்.

------------- 

தலைநகரில், காவல் அதிகாரியைக் கத்தியால் குத்தியதாகக் கூறப்படும் ஆடவர், ஏழு நாட்களுக்குத் தடுத்து வைக்கப்படுகிறார் ! 

அவர் போதைப்பொருள் உட்கொண்டிருப்பது தெரிய வந்துள்ளது. 

பாதிக்கப்பட்ட காவல் அதிகாரி தற்போது நல்ல நிலையில் இருப்பதாக தெரிவிக்கப்பட்டுள்ளது.

------------ 

சிலாங்கூர் காஜாங்கில், கொள்ளைச் சம்பவமொன்றில் ஈடுபட்டதாகக் கூறப்படும் ஒருவரை அடித்து கொன்றதாக சந்தேகிக்கப்படும் எண்மர், காவல்துறை பிணையில் விடுவிக்கப்பட்டுள்ளனர் ! 

அச்சம்பவம் தொடர்பான விசாரணை நிறைவுப் பெற்று, அதன் அறிக்கை அரச தரப்பு துணை தலைமை வழக்கறிஞரிடம் சமர்ப்பிக்கப்பட்டுள்ளது.

------------ 

தமிழ்நாட்டிற்கு சுற்றுலா சென்றபோது, கொள்ளை முயற்சியில் ஈடுபட்ட 4 மலேசியர்கள் கைது செய்யப்பட்டுள்ளதாக, தமிழக ஊடகங்கள் செய்தி வெளியிட்டுள்ளன ! 

போன இடத்தில்,  பணம் தீர்ந்து போனதால், தங்களுக்கு ஏற்கெனவே பழக்கமான இந்திய பிரஜை ஒருவரின் உதவியுடன், அவர்கள் அச்செயலில் ஈடுபட்டதாகக் கூறப்படுகிறது. 

கொள்ளைக்குத் தூண்டி தலைமறைவான இந்திய பிரஜை தேடப்பட்டு வருகிறார்.